مشاركه متواضعه للتواصل

[منور العوني]

ارسل لي احد الاصدقاء هذه الابيات

ياحرشوقي على الغالين يامنور=كني من الشوق قابض في يدي جمره
بس اتصبرواجامل ناس وا حور=بعض الاحاديث عن طاريه من حره
أخاف لن طول أطاري به اتهور=واصيح وقول يا صبري وياصبره
عزالله اني بعدفرقاه متسور=ابسور حزنن عجزت اقوم من كبره
لاجيت أبدله عن المجمول وادور=بين الغنادير لايذكر ولا أخبره
لكن عطني حلولك قبل لافور=من حر شوقي عليه وتنزل العبره

أبو سامي

أبيات مثل الذهب وأسلوبك يطور=أللي يتمعن في عجز البيت مع صدره
ماأعرف أجامل ولاني صاير مزور=أقرأ قصيدك وأردد للولي دره
تشكي علي الهوى والحال مدهور=الحب ياما أخذنا فيه كم كره
يامل قلبن من الأشواق متعور=بأسباب غرون يتل القلب ويفره
سبحان ربن عطاه الزين ثم صور=اخدوده أللي من الوهاب محمره
اللي جبينه سوات البدر لا نور=عليه اسمي اخاف عيوني تضره

:rose:

[ليان]

الشاعر القدير منور العوني

كان لي شرف الحضور الاول

صح لسانك ولاهنت

تقديري ..

[مزون المحمد]

منور العوني

صح الله لسانك .. ولاهان حضورك الكريم


دمت بخير

[قديم الشوق]

أخي الغالي / منور العوني ..

صح لسانك ياغالي

صوت وصدى أكثر من رائعين

شكرا ً لك من الأعماق على قصيدتك الأكثر من رائعة

وتقبل خالص تحياتي وتقديري

أخوك / قديم الشوق

[علي بن درهم الأشول الدهمي]

اخوي الغالي الشاعر

منور العوني

صح لسانك وسلم بنانك

ودام بوحك ولاهنت تحياتي

[( حايره )]

صوت جميل

يقابله صدى أجمل


منور

يا هلا فيك وفي مشاركتك

ألف صح لسانك

ولا هنت

[محمد الناصر]

نص مليءٌ بالشجن و الروعة

..
قراءته تسر القلب و تسعده

..





صح لسانك ولاهنت

[حمد فرحان]

منور العوني


جميل هذا التوصل الرائع


صح الله لسانك على هذه الكلمات


فائق تحياتي

[محمد الفرحان]

.

.

شاعرنا

منور العوني

.

.

صوت وصدى ولاأروع ومساجلة بين كبار

صح لسانك وعلا شانك على هذه الرائعه

بروعة مبدعها . .

.

.


لاعدمنا تواصلك . . . .

.

.

تقبل فائق تقديري واحترامي

[منور العوني]

ليان

الله يشرف مقدارك

وصح بدنك