((بنـــت الوزير ))

رائد خليف العنزي · 14-06-2007, 07:50 AM

بعد التحيه والسلام ...

\

/

\

(( بنت الوزير ))

الوصف مايكفي لأٍنـك فـي حـدوده ياعبيـر=وانا ادري اني واحداَ من هالحضور تستبشـره
من شفتك البارح وانا بين الوساده والسريـر=ابي انـام ولاذكـرت عيونـك النـوم انحـره
منتي من أوصاف الغلا اكثر من الوصف بكثير=الا على فكره جميع اللي مضى ويـن أخـره
لو شفتني بين الامم شاعر ولي وضعاَ كبيـر=ولاجيت قدامـي أضيـع دفتـري والمحبـره
مير البلا لاجيتني ياني تـرى وضعـي خطيـر=وليا ابتسمتـي للحـروف تكسـره وتجبـره
وليا سكتت يالله دخيلك مابقـى شيـاَ يصيـر=وليا هرجت ضوى الشعاع بوجنتينك المجهـره
في عقلها فـي نطقهـا يالله طلبتـك ياقديـر=أحيان اقـول مقبلـه وأحيـان اقـول مدبـره
قالت تفضل وش تبي وأخلص وهات من الاخير=قلت الغلط مني حصل والعفـو عنـد المقـدره
لاتعجـب مااجامـل لا كبـيـر ولا صغـيـر=قالت اذكـر لـي شيـاَ فـي زمانـك تذكـره
قلت مابـه شـي اقولـه لا قليـل ولا كثيـر=الأ حزني فـي زمانـي كـان تقـدر حـرره
قالت ابعد منت قـدي شوفنـي بنـت الوزيـر=والكـلام اللـي تقولـه انتـبـه لا تـكـرره
قلت لحظه قبل اعرفـك انـا يالخبلـه أميـر=ماخضعت الراس شامخ والمـره تبقـى مـره
صدقوني مافهمـت اللـي تبـي منـي عبيـر=أمس جتني مغرمـه واليـوم جـت متكبـره

حمد فرحان · 14-06-2007, 01:22 PM

رائد خليف العنزي

تسلم يمينك على ماقدمت رائع الحروف

صح الله لسانك ولاهنت

فائق تحياتي

( حايره ) · 15-06-2007, 02:38 AM

رائد

الله يعينك يوم مغرمه ويوم متكبّره :D

بس الحب يلغي كل الحواجز والمسافات

ألف صح لسانك

ولا هنت على هذه القصيدة الجميله

نتمنى تواصلك الدائم

مزون المحمد · 15-06-2007, 04:37 AM

رائد العنزي

صح الله لسانك ,, أسعدنا حضورك أخي

ولاهنت

محمد الفرحان · 15-06-2007, 09:00 PM

.

.

شاعرنا

رائد خليف العنزي

.

.

صح لسانك وعلا شانك

.

.

قصيده عانقت السحاب بروعتها . .

.

.

دمت بهذا الحضور ولاعدمنا تواجدك.

.

.

تقبل فائق تقديري واحترامي