حلم سارة

[خالد سلمان]

إهداء خاص لسارة

ولجميع المتخرجات من المدارس والكليات بشكل عام ...

"يا عمي بارك لي أخذت الشهادة = ومعدلي ما قل عن خمس وْتسعين
مبروك لكن ما أشوف السعادة = بالعكس أشوف الحزن باين على العين
وشفيك قولي لي وليه النكادة = الكل فرحانٍ من أجلك وتبكين
"من حسرتي ابكي يا عمي زيادة = فرقى الحبايب زاد بالهم همين
"فرقى ليان وْريم بأول جماده = فرقى اللي علمني على الشرع والدين
"فرقى مكانٍ صار مثل القلادة = نفسي أعلقها على الصدر وتبين
"منها تعلمنا أصول الركادة = منها تعلمنا على الجيم والسين
"كلمة صباح الخير كل يوم عادة = بأول دخول الفصل أو حنا ماشين
"يا ريت يا عمي تصير استعادة = ونعيش فيها طول هالعمر للبين
ربك كريمٍ ما يخلي عباده = بس اطلبي حلمك وبنردد آمين
الكل يتمنى يحقق مراده = والصبر مفتاحٍٍ يواسيك ويعين
يا بنت خلي بس عندك إرادة = وبتفرحين أكثر من الدنيا بعدين
يمكن تصيري في مجال العيادة = وإلا الصحافة تكتبي لك عنواين
أو يقبلونك تدرسي باستزادة = وتكملي سطرك تخليه سطرين
والليل حتى لو تكوّن سواده = لا بد تشرق شمسنا للملايين
في ظل أبو متعب وصلنا الريادة = لا تشغلي بالك على كم أو وين
روحي يا سارة واكتبي عالوسادة = حلمٍ وحققته حلمته من سْنين

الشاعر : خالد سلمان

تقبلوا فائق شكري وتقديري ،،

[عيد سعد]

	الاستاذ الرائع/ خالد سلمان اشتاق الى قرائة قصائدك شوق ليلٍِِ لوظوح النهار فاشرق علينا بصورك الجميله اعلن لك اعجابي المحلق بي الى محبتك وشِعرك السخي البريئ من تكرر الالوان فعلاً انت مبدع عيد سعد

[محمد الفرحان]

.

.

شاعرنا

خالد سلمان

.

.

صح لسانك ولاهنت والف مبروك لجميع

الناجحين . .

.

.


لاعدمنا تواصلك . . . .

.

.

تقبل فائق تقديري واحترامي

[لون الثلج]

:

الف الف مبروك لـ ساره

ولكل الناجحين ان شاءالله

يوفقهم الله ..

وصح لسانك ويعطيك العافيــه

خالد سلمان
قصيده رااائعه ..

إحترامي لك..//

.

[مزون المحمد]

خالد سلمان

حضور رائع أسعدنا بلاشك

صح الله لسانك

لاهنت

[ليلى بنت علي]

سَبقَ و صافحتُ / هذه القصيدة الجميلة ..!
منك اخوي اعزيز /
خالد سلمان
و الف الف مبرووك لسارة
للمرة الثانية :)
ربي يحقق كل أحلامها إن شاء الله
/
جنون / جنون الشعر
( ليلى بنت علي)

[فهد الدباسي]

خالد سلمان


نصٌ رائع

و حضورٌ متميز و فاخر


صح لسانك و لاهنت

تقبل تحياتي

[عبدالله الخليفة]

خالد سلمان


نصٌ جميل و حضورٌ راقي


صح لسانك و جاد بيانك


تحياتي

[قديم الشوق]

أخي الكريم / خالد سلمان ..

صباحك ورد ياغالي

وصح لسانك على هذه القصيدة الرائعة

وتقبل فائق احترامي وتقديري

أخوك / قديم الشوق

[خالد سلمان]

انا سعيد جدآ بوجودكم على احدى صفحاتي والمتابعة

تقبلوا فائق شكري وتقديري ،،