هيفـاء ( قصة واقعية )

[وليد الحميد]

السلام عليكم ..

مصافحة أولى ...

هيفاء ...

طبعاً هذه القصيدة لم تأتي من فراغ أو من خيال عاطفي .. ولكن أتت من واقع حياتنا ، قصة بنت كانت في قمة الجمال أن لم تكن هي القمة فعلاً ... ولكن عندما وجدت انها فعلاً في هذه الصورة .. فكرت في أن تستفيد من هذا الجمال في الوصول ألا الرغبات الخاصة بها حتى لو كان على حساب نفسها وجمالها ، فكان صاحب المتجر أوالمطعم يرحبون بها كامل الترحيب ويقدمون لها كل الهدايا دون مقابل فقط أن تزورهم أو تسلم عليهم .. >>>> ثم حاولت الزواج من رجل ذو مال ومن عائلة كبيرة ومن بعد ان تعرفت عليه رغبت في الزواج من أبيه لأن الأب أكثر غنا من أبنه وكذا تدور أحداث القصة ..

لا أرغب في الاطالة ولكن القصيدة انشالله تعطيكم الصورة الوافية والكاملة ..


عبرة ..


طبعاً هي عبرة لبعض البنات ،،، أن لا يحذوا ما عملته هيفاء و أن يكونن في عفتهم وحفظ الستر لهن ..



ألا ياعالم أسمعني .. أبحكي قصة الأحــزان
بنيه ربي أعطاها .. وصارت للحلى عنوان
عيونٍ خضر جذابه .. وكامل جسمها فتــــــان
بنظرة تسحـر العالم .. جمال اللــه معطيهــــــا

************
بقول الحال والقصه .. عسى يا شعرنا توفيه
ونظم الشعر في هيفاء .. برصه واحكمه وابنيه
وعالمنا يتعبنا وعالم .. وش عسى يرضيه
وليه الناس نزعلهـا .. عشان الناس نرضيهـا

************
ترى هيفاء مصيبتهـا .. جمال الحسن والصورة
وربي نعمه أعطاها .. لناس وناس مقصورة
وكل الحسن في هيفاء .. حكايه والبطل دوره
ملاك البنت تتدلل .. وكل النــاس توفيها

***********
رشيقة قد رعبوبة .. ولابه شئ يحرجها
وكلن ينظر لهيفاء .. مداخلها و مخرجها
وصارت قصة بعالم .. ولحدٍ صار يزعجها
عنيده تآخذ وتطلب .. و لاتخسر كراسيها

***********
عطاها ربي الصورة .. وزين ثغرها والعين
جميلة تجذب العالم .. ورمزٍ للحلى والزين
وهذا جوهر القصة .. وشوفوا ناتجه بعدين
جروح ودمع في هيفاء .. وكلن صار نافيها

وكلن صار مع هيفاء .. يسير وراسم دروبه
حكايـة بنت يـاعالم .. قسم ماهي بمكذوبه
جميلة حيل يا عـالم .. بحق البنت رعبوبة
جمال البنت فالعالم .. مابين الناس معليها

************
بنات النـاس من هيفاء .. تغار وحقدها عالي
وكلن قــال يــا ربي .. طلبتك تنظر بحالي
وكلن غار من هيفاء .. وهيفاء قدرها غالي
عيونٍ شوق تكحلها .. عيونٍ حقد تعميها

************
غرورٍ صار في هيفاء .. تمشي به مصالحها
وتنسى من قضى معها .. على صحنه يمالحها
ولا هو همها يزعل .. ويرضى من يصالحها
علاقه سهل تبـداها .. علاقه سهل تنـهيـهـا

************

تعرف البائع العادي .. و تآصل منه للتاجر
وتأخذ منه ما تقدر .. وبكره بعـده تهـاجر
ومن هو تآصله هيفاء .. يقول الزين لي يآمر
بضاعه عيبها هيفاء .. ومنهو زاد يشريهـا

************
وبوها عارف القصة .. و دكتوره بلاش يجيه
ولو هو قدم الواجب .. يقله عيب أنـا ما أبيه
عيون الزين لي تآمر .. وهذا واجب نلبيه
وهيفاء بس من نظره .. كثير عيون تشقيها

***************
وطبت في نهايتها .. ما بين العشق و الشايب
تبي تمشي مصالحها .. وقالت عشقي الخايب
ودف الشايب العاشق .. وكان العاشق الغائب
ودار الحظ مع هيفـاء .. وهذا من بلاويهــا

************
وعاش العاشق بديره .. و عشقه في بلد ثاني
يعيش البعد والحيره .. غريب الدار وحداني
يصيح ونار في صدره .. غرامي ليه ينساني
وحقده زاد في قلبه .. وقرر يوم ينهيهــا

***********
وفكر في خيانتهـا .. وقال إلحسنها الأسباب
ألا والله لمحيها .. ولمحي حسنها الجذاب
أثاريها تجاملني .. بعشق وعشقها كذاب
زماني لو يطاوعني .. أكيد بيوم بمحيها

**********
وجات البنت بالصدفه .. وحاسبهـا على ما فات
بنيتي عشق كذابه .. ومثلي منهزم ما بات
وقال الحب يا هيفاء .. خيانه والنتيجه مــات
شرار وحقد في عينه .. وهيفاء من ينجيها

*************
تسرع واندفع طايش .. وسبب للحلى بصمه
تشيل الحسن والصوره .. وهذا جايها قسمه
مقدر والقدر ياتي .. برغم الزين عن خشمه
وبصمه هي بلاهيفاء .. وهيفاء من يداويها


غرور البنت وداها .. لسكه سكة الخسران
وصاحت آآه يا حالي .. ياليتك يا حلى ماكان
وبدل ربي النظره .. أحد شامت وأحد شفقان
وعاش الجرح في هيفاء .. بطول العمر كاسيها

**************
وكب الكل ذي هيفاء .. وشال العشق والنظره
حسافه ماهي الزينه .. ووين الزين ياحسره
غرورٍ كان في هيفاء .. وهذا ناتج بأمره
عيون الناس تاكلها .. عيوباً كيف تخفيها

*************

وعاشت تستر البصمه .. ولكن الخلاف يبان
تخبي ما حصل فيها .. ولا ترضى يشوف انسان
ولكن الخلل واضح .. كما الصوره لها عنوان
ألا يا ليتها عبرة .. لمن هو يعتبر فيهـــا

************
وكلن عاش في هيفاء .. يوقف سكة الخسران
ألا يا رب يا عالي .. إلاهي خالق الانسان
ألا يا ربنا تعطي .. لعبـدك صحة الابدان
وحل اللحين للقصة .. بقول الحق وانهيها

*************
وكلن عايش ابعمره .. أحد لاهي واحد ملتاع
ومن هو قد طلع ينزل .. وينزل حامل الاوجاع
ومن هو طار يا عالم .. مصيره ينحني للقاع
مصير الناس لو تطلع .. تحول من مبانيها



][®][^][®][وسلامتكم ..
وليد الحميد][®][^][®][