رغبة أمومة ..!

[ماجد عبد الرحمن]

إن كانت الحياة ُ قيداً
فـ أنا لستُ على
" قيدِ " الحياة ..!

لك بقلبي محبة تغرق أمم=من بداية مولدي للمقبرة ..!
ولك بعيني نظرة تحرك صنم=شوفها ؛ كنـْها تدوّر مغفرة
إنت لي ؛ والعكس هو شي ٍ مهم=من بَعَض مُلكك أنا يا مبهرة
سخـّر الله " ماجدك " لاجلك قلم=وسخـّر الله " روعتك " له محبرة
منكتب حسنك [ أثر ] ما له عدم=كل من في الأرض دايم يذكره
لا ارمشت عينك تبعثر كل هم=كن همي [ كسر ] : رمشك يجبره ..!
فكري ؛ وآنا عليّ آقول تم=ولا تقولي الأمر ؛ منتي مجبرة
من وصف زينك ..؟ ترى يبطي عظم=لو كتب معجم : وصف بك أسورة ..!
لانك القمة على كل القمم=والجمال [ أكواد ] فيك مشفرة
يا بشر : قلبي لها ؛ ما هو كرم=بالغصب ؛ والا وربي أقبره
لا انسدل شعرك على وجهك : ألم=واقرب التشبيه [ ليلة مقمرة ] ..!
ولا همستي : أشتعل كتلة حمم=كن بعروقي جحيم مسعّرة
حطني زينك بموقف محتدم=ما عرفت احويه والا أنهره
أسألك : هذا بخورك له فحم ..؟=وافتكر : جمرة شفاهك مبخرة ..!
لا اختفى صوتك حضن صوتي البكم=ولا رجع : يخلق لصوتي حنجرة ..!
إنتي أنسب من خلق ربي كأم=داخلك رغبة أمومة مكررة ..!
فاحضنيني ؛ حققي هذا الحلم=ما سمعتي عن " حديث القبّرة " ..؟
وارحميني ؛ الله ما يحب الظلم=دون حضنك كني ارض ٍ مُقفرة
إن طلبتي قلت لك حاضر وسَم=كن حبي لك جريمة مدبرة ..!
يالحكي اللي له بذِكره طعم=يالجمال اللي يسرك منظره
يا نبوءة نوّرت كل الظلم=يا خطأ ما له طريقة تكفره
يا وحم رجال ما عنده وحم=يا اكتشافٍ ما لقى من ينكره ..!
يا عظيمة عرشها في [ أورشلم ]=يا خبر جيته أسابق أنشره
يا حقيقة ْ معجزة كانت وهم=يا أنوثة : بعض منها مُسْكِرة
يا قصيدة منظمة باجمل نظم=دونها كل القوافي مكسرة
من جحد زينك رجمه الله رجم=قالها ربي ،، أجل : [ ما أكْفـَرَهْ ] ..!

.. سراب الوهم ..