تـحـذيـر مـهـم : تغيير البطاريات الاصلية ببطاريات تجارية وهذا هو الفرق بينهم ،،

[بسكوته]

تـحـذيـر مـهـم : تغيير البطاريات الاصلية ببطاريات تجارية وهذا هو الفرق بينهم ،،

تـحـذيـر مـهـم : تغيير البطاريات الاصلية ببطاريات تجارية وهذا هو الفرق بينهم ،،



راح ادخل على طول بالموضوع وبدون مقدمات تذكر

كلنا بنعرف انو البلاك بيري اهم مشكلة فيه وهي البطاريه ،،،

بالرغم انو فيه اكثر من طريقه لكي نحافظ فيها على عمر بطاريات اجهزتنا الا انو فيه سبب رئيسي جدا مهم يساعد على انو البطاريات ماتدوم اكثر من عمرها الافتراضي مع الاستخدام ،،،

اليوم جايبلكم تقرير شامل ومهم جدا يوضحلكم البطاريات الاصلية والبطاريات التجارية

وابيكم تركزو معايه زييين عشان بعد كذة لما الواحد فيكم او الوحده فيكم يوم تنوون شراء جهاز جديد او مستعمل او تنوون شراء بطارية جديدة لازم ولابد تعرفو تفرقو بين البطاريات الاصلية والتجارية ،،،

للاسف الشديد يوجد (بعض) المحلات بيغيرون ببعض اكسسوارات الاجهزة الجديدة (سبق ونزلت موضوع بهالخصوص)

تلقون (بعض المحلات) يغيرو السماعات والبطاريات ولايهون تغيير كيبل اليو اس بي (كيبل الكومبيوتر) !!

لكن راح نمسك اهم شي وهو البطارية ،، تدرون البطارية الاصلية الوكالة كم تكون قيمتها ؟

تكون قيمتها بحدود الـ 130 الى 180 ريال حسب نوعية وموديل البلاك بيري !!

طيب تخيلو انو البطارية الاصلية تكون سعرها كذة والتجارية تكون بحدود الـ 20 الى 35 ريال !!!

ويجيكم بعض المحلات ويغيرون البطاريات عشان يرفعو من ارباحهم ببيع الاجهزة الجديدة !!!

وانا بهالموضوع جايبلكم صور للبطاريات الاصلية والبطاريات التجارية واذا اي واحد فيكم اكتشف البطارية التجارية موجودة بكرتون جهازه او داخل الجهاز على طول بدون تردد يطلب من صاحب المحل بتغييرها فورا وبدون كلام زايد ،،،

راح ابدأ معاكم بالبطارية الاصلية الوكالة اللي تكون موجودة رسمي بأجهزة البلاك بيري وطبعا بتختلف الموديلات ولكن الطبعة تكون وحدة (رصاصية وعليها خط اخضر) :



هذه هي البطارية الممتازة والاصلية التي (يجب ان تكون مع الاجهزة الجديدة) ،،،

ولكن (بعض) المحلات يبدلوها او يغيروها ببطاريات التجارية التي تكون بهذا الشكل :



شوفو بس كيف الفرق بالشكل ، الاصلية شكلها بطارية رسمية ورززززة والبطارية التجارية شكلها ماتفرقوها عن قطعة لعبة !!!!

وراح اوريكم ايضا اشكال البطاريات وهي بعلبتها ، عشان لما تشترونها تعرفو تفرقو باشكالها :



هذه هي اشكالها وهي بعلبتها ،،،

وايضا هذه مجموعة من البطاريات التجارية المتعددة الالوان !!!



أسألكم بالله هذه اشكال بطاريات تكون لاجهزة تصنف من الاجهزة الذكية !!!!!

الــخــلآصــة

احبائي وحبايبي : انتو ماغرفتو الفلوس ولاقيينها بالشارع ،،

فارجوكم انتبهو لحلالكم ولاترمونه بشي مايسوى ولا يستاهل ، وفتحو عيونكم واعرفو كيف تميزو الصالح من الطالح والزين من الشين ،،،

للاسف بعض المحلات اذ لم تكن اغلبها بيتلاعبون بالاجهزة ويغيرون القطع الاصلية بقطع تجارية ولكن التنبيه الاهم اللي بقوله لكم :

لاتشترو اجهزة جديدة تكون كراتينها والعلب حقها مفتووووووحه لانها مشبوووووووهه ،،

وحتى لو شريتوها مقفلة الكراتين ولقيتو هالنوعية الرديئة من الاكسسوارات والبطاريات فلكم الحق وكل الحق بأنكم تطلبون من صاحب المحل او العامل بتبديلها او تغييرها بقطع افضل واجود منها ،،،

واتمنى اكون وصلتكم رسالتي

واسف جدا للازعاج والاطالة

ودمتم بخير