تحبها .. !! ......... شيخة الشيخات

[شيمة]

تحبها ..!!
أدري والله انك تحبها
تكتبها و تشربها .. وعلى مخدتك
ترسم وجهها .. وتحلم بها ..!!



شفتها في عينك .. واقفة بيني
وبينك
عن قلبك .. عن طريقك
يفصل قلبي .. دربها ..!!


واتحبها ..!


محد ياب الخبر .. ولا حد غطى الفجر
في كلك قريتها ولقيتها
ليتها ماتت هالنفس قبل حبك
ليتها ..!!


ليتني مت ولا عرفتك
ليتني هلكت من الظمأ ولا شربتك
ليتني يوم هجرتني
ما دعيت يردك لي ربك ..!!






واتحبها ..!!
في حرفك ترجمتها كون
في وصفك رسمتها لون
شرقت وغربت وهي تسكنك .. بجنون
أدري أدري مايحتاي تقول
وربي أدري تحبها .



رح قل لها .. خبرها .. ووصف لها
قل لها عني :

ماعرفت تحبني ولا ماتت فيني هوى
ولا ذابت كلها في ليلة جوى ..!!


قل لها
ما حبتني كثير .. بس هامت بي
لآخر أنفاسها .. ونست لاجلي كل ناسها
واعشقت حتى ترابي .. والأرض
اللي ظلي داسها ..!!











قل لها :
ما سهرت عشاني .. ولا سرت بليل تعاني
ولا نهشها المرض لخاطر أعياني
ما بكت لي .. ولا شكت لي
ولا تمنت تكون كل أهلي ..!!


ماقدرت تحبني .. ولا استطاعت اتدلني
برغم اني قطعت دونها كل الدروب
ومحيت من ذاكرتها اسمي ورقمي
و شنيت ضدها مختلف العذاب
و أنواع الحروب ..!!


هي ما زالت ما تقدر ولا تعرف اتحبني
بس
ماتت كل يوم مليون مرة
ولا هوب كثير .. عادي
وش يعني تشهق باسمي كل ما
طاف بقلبها و مره ..!







وربي ما تحبني
هذي الخبلة .. كيف تقدر اتضمني
وأنا عالم بحاله .. لا ينزل ولا يخف
ترحاله ..؟
هي بس طارت روحها عندي
وصارت جسد بلا روح .. تتنفس بحدي
تتنفس من ذكراي
وتتوجع على لاماي .. والله بدري



إيه عليها بدري
ماعرفت تحبني ولا قدرت
ما تمنت لها ولد أنا أبوه .. ولا قالت
يارب عم عيالي .. أخوه
وأنا أكون أمه و ابنيته و أمان أبوه ..؟!!







رح قلها .. وبشرها .. وغنّها
تراها هالمجنونة تهذي بحبي شوق
و أسير مع دمها وسط العروق
ومن ظيم فرقاي ..؟
ترحل عن دنياها .. تموت وتفوق .


رح قل لها
انك انته هاذيج تحبها
انت ما قلت لي ..
أنا فيك كلها أشوفها
وأقراها و حيييييييل أدلها ..!!


وقل لها .. هيه قل لها
اني ما حبيتك .. بس هذيتك
ولا عشقتك .. بس شرقتك
ولا مت فيك .. بس ليل ونهار بعمري أفتديك
ولا كسرت صدري بدفعك .. وانا أتحمله طبعك ..!!







واتحبها .. وعني قل لها
ما عرفت تحبني .. هي بس
في جوفها تشمني ..!!



ما قت لك يا حبيبتي هالمجنونة
ما تحبني ..!!