ياهيه يامتفلسفه لن كان سقتيها طمان

[فهد الذيابي]

مرتني الذكرى وصادتني هواجيس الزمان = وانا وذكراي وهواجيسي وشعري اربعـه
يعني اخوان اقول لايعني ماحنا با لخـوان = لكن تشابهنا جعلنـا فىهاذيـك الزوبعـه
لكن تسابقنا على ظهر الاصيله والحصـان = معنا الاعنه والعصى والسرج زود المطمعه
ياهيه ياغدار ليه الفلسفـه فـى الامتحـان = اشوي ياغـدار ويطيحـن كـل الاقنعـه
لاتحسبن الفلسفه توصلـك لحـد لجنـان = ان كان في تفكيرك تحاول للوي الاذرعـه
اجل اسمع الموضوع مني لافلان ولافـلان = تراك تطفي ضوك وتطفي جميع الاشمعـه
الفلسفه فى الحب شيٍ كان ياماكـان كـان = ممنوع حب الفلسفه يعنـي لـزومٍ نمنعـه
الحب يعني انك تحسس من تحبه بالامـان = ماهو تعرض من تحبـه للعنـا ولاوجعـه
ياهيه يا متفلسفه لن كان سقتيهـا طمـان = انا علي اربط احزام الطايـره والامتعـه
يعني تبين الصدق ماني لافـلان ولافـلان = خلاص اخذت الدرس يكفيني خوي الاربعه