(( صـعـالـيـك الـشـعـر ))

[عمر اللهيميد]

السلام عليكم ورحمة الله وبركاته


اخواني اخواتي اعضاء هذا الصرح الشامخ

اسمحولي على هذه الغيبه

اتيت لكي اقدم لكم هذه المتواضعه وهي وسيط للشفاعه

عساها تشفع لي طولة الغياااااااااااااااب

أبي أقدع من (( عثوق الشعر )) حبه ورى حبه=وأبي أشرب فناجيل الشعر من صافي الرسلان
ترى الشاعر إذا سب الخلايق الله يسبه=حلات الشاعر مهذب (( ولايهايط )) ترى ((ينهان))
بعض كم واحدٍ يمشي وفنجال الشعر كبه=ولا يحسب حساب الناس (( أو فلان أو علان ))
ياكم واحد طلع (( رخو ٍ)) وإذا هب الهوى هبه=وشاله فوق هامات السحاب ونزله قيعان
(( يقولون الشعر بحر ٍ منو يقدر على طبه))=(( وأنا اقول البحر شعري وأنا واحد من الحيتان))
هجوسي حرك جنوني // جنوني ولعت شبه=عباقر ولعت فيني جنون الشعر بالنيران
(( صعاليك الشعر )) كانت تزاحمني على القبه=نثرت بوجههم كاس المراره وأصبحوا حقران
وأنا والله سليم الذات والنيه ترى عذبه=ولا ياحيرت الشاعر علامك تخزر الأعيان
ترى الشاعر إذا لب الشعر في حنكته لبه=يزعزع كل بركان ٍ ويرقى هامة البركان
وإذا ودك تبي تلعب (( هذاك الشعر وألعبه=ولكن أنتبه لايركبك ألفين أبو شيطان

وسلامتكم














عمر اللهيميد