طاغي حلاها

[مشاري بن جلوي]

ماعلى الدنيا حسوف ولا على الدنيـا ندامـه=لو تغيب اللي لعينـي شوفهـا ليلـه غنيمـه
طفلة ٍ طاغي حلاهـا تحـرج البـدر بتمامـه=وتعدى من حلاها وصف زينـب مـع حليمـه
يوم تقبـل وتمايـل عـود الوكـري حمامـه=مايصيد ولايجيـب إلا ونيـن ٍ مـن صميمـه
اصل طعم المسك بشفاهـا بدايتـه وختامـه=ذاب منها الحرف لقبل عطرت سينـه وجيمـه
لو تكلـم فالمحبـه بخـرت بحـر المنامـه=والسماء لو تسكنه شفت القمر من خلف غيمه
والبلا كل البـلا لـو زعلـو زرقـا اليمامـه=كن رمش العين جيش ٍ مايعرف ابدن هزيمـه
لو تصله صوب ديره مابقـى ريـس فخامـه=انتهى عصر الملوك وصـارت العالـم يتيمـه
والشعر لامن تثنت يحجب الشمـس بظلامـه=تهت فيهـا ليلهـا ليـل وظليمتهـا ظليمـه
والله اني لـو قسيـت اذوب منهـا ببتسامـه=ولا نويت ابعد رجعـت ودوم والنيـه سليمـه
فارقه والشاهـد الله فارقـه بِميـة علامـه=والجمال اللي بسواها يعتبر دقه قديمه