درّبيني

[محمد بن قطنان]

بكل الود التقي بأحبابي من جديد

دربيني فالهوى ليـن افهـم انـواع اللحـون=كل شي(ن) قبـل اعرفـك مايسمّـى معرفـه
واطلعي بي لين اشوف الشمس قبل اول عيون=وانزلي بي لين انوش الليل بيـدي واكشفـه
حيث ليل الناس بعيونـك ومغربـه الجفـون=وشمسهم في وسط خـدّك بالرمـوش مكتّفـه
اشهد انك منوة اللـي ظـاع حقّـه يالفتـون=واشهد انـك غايـة القلب(المبعثـر) وهدفـه
الشعر شـلاّل ليل(ن)طشّتـه نحـل المتـون=وافترق من وين؟ ماتـدري تقـول بعاصفـه
لفّني لفّـة رضيـع وجرّنـي جـرة غصـون=جرّها سيل (ن) حقوق الصيف في القاع ذرفه
اشهد ان الحب في قربـك روايـات الفنـون=هو (حقيقه) بس مايشبه (لهـا) بأيـة صفـه
ياعذاب القلب ياغيضه وهـو قلب(ن)حنـون=خاف ربك في غريق (ن)موج حضرتك نسفه