بعد الغيـــــــــــاب وقبـــــــل العتـــــــاب

[علي بن تركي الشهري]

مساكم الله بالخير اعتذر عن التاخر لكن اتمنى ان يكون في ما نقدمه العذر


بسم الله
................
........
....

يالله ياللي كلنا في طوعه=الواحد اللي حجوا الحجاج له
اللي على شانه يزيد ركوعه=عبده ويرجي رحمةٍ به عاجله
يطلبك ياربي تزيد خشوعه=وأحفظ حياته من قلوبٍ داجله
وأعفر ذنوبه يالولي وظيوعه=وأكتب له الحسنى وخفف واجله
يارب جفف بيرنا ينبوعه=يرجيه ناسٍ باللهايب راجله
زاد الظما والجوع زوود جوعه=والحر سوا في دياري تاج له
متى على الله ينتهي بسبوعه=ويعوود الماء للذي متحاج له
الشيخ عنز معصمه في كوعه=يرجيك يارب البرايا عاجله
والام حارت بأبنها ورضوعه=يالله تكتب سعدها وأفراج له
وراعي القطيع اللي ضعف مجموعه=في كل ديره يبحث المخراج له
يالله في رعدٍ يهل قروعه=ألين يسمع للسيول دواجله
مهيوب في شكله وقوة نوعه=والنو سوا بالسحاب فجاج له
في دارنا وربوع بعد ربوعه=والناس تحكي سيرته ورواج له
الين النبات اللي تطيح فروعه=من قبل نبته مالقي منهاج له
يثمر ويحلى نبته ومطلوعه=ونسمع تغاريد الطيور الزاجله
ياما حلا ريح المطر ونقوعه=ابطا ونرجي ربنا ونساجله
يالوعه الظامي وياااهي لوعه=وقبل كان الدار له والصاج له
واليوم صارت حباله المقطوعه=تخنقه وتسبب لنفسه آجله
ترا الذنوب اللي تجي ممنوعه=أسباب في كشر الزمن بحجاج له
واللي بوقته كلمته مسموعه=الذنب ذنبه داجه وديباج له
لازم على مثله يزيد قنوعه=لنه بعين الغير من النواجله
وأن كان عيا يتبع المتبوعه=وباقي يقول أن الذهب والعاج له
يالله تاخذ نفسه المصيوعه=للشر ولا انك تجيب مراجله
بالله يهل السيره المقروعه=يهل العقول بساعتين الواجله
وقت الرقاب تكون يا مقطوعه=يا جرحها ينزف وصعب علاج له
سيروا بنا للسكه المشروعه=فنتوا ضياء المجتمع وسراج له
واللي يولع بالضلام شموعه=الشمع ما يكشف ضلام الباجله
حتى عمود الشمع هل دموعه=من حالتك والريح فيه ضجاج له
ضعيف مثل اللي على قرطوعه=بدل سماينها عشان هماج له
يامنتدى ياراعي الصوره المرفوعه=بقلوبنا بيضاء بدون أحراج له
عجزت بأفعالك (مقبل كوعه)=عود على نومه وراح ادراجله
انت الفؤاد وحن نجيك ضلوعه=واللي يناجيلك نجيه نناجله
من بعد ما شيد على الموسوعه=ذكره وشيد بالمحيط أبراج له
القافيه وحده وهي في (اوعه)=والشطر الاخر ينتهي في (اجله)
القلب ذلحينه نفذ موضوعه=واللي خرج من قلب ذا ميلاج له
صلوا على كلنا بشفوعه=اللي له الاسراء والمعراج له

[/poem][/poem]