قلبي معك لو شفت جسمي مع الناس

[محمد الضرير]

أحبتي في منتديات منابع الأدبيـة .. تلبيـة لدعـوة كريمــة تلقيتها من أخي الغـــالي
( قديم الشوق ) تشرفت بالإنضمام لهذا الصرح الرائع ، وكعربـون أخوة وتواصل معـكم
يسـعدني مصافحتكم بقصيدتي المتواضعـة التاليــة أرجو أن تنال إعجابكم وتحوز على
رضــاكم .. وهي :

قلبي معك لو شفت جسمي مع الناس = ما غاب طيفك عـن خيالـي دقيقه
ودّعتك اللي ما خلق مثلـك أجنـاس = حيل الله أقوى لو دموعـي غريقه
والله ما ارخصتك ولا طعـت بـلاّس = بس النصيب يصيب هـذي الحقيقه
أظلم سماي وحال من دونك اليـاس = وتحشرجت عبرات صـدري بضيقه
همّي عقب فرقاك ماهـوب ينقـاس = وجـروح قلبـي ياطبيبـه غميقه
أجلس بوسط الناس واسرح بهوجاس = لافي يـدي حيلـة ولالـي طريقه
حبك بوسط القلب مبني على سـاس = عنك العزى يا روح روحي ماطيقه

أخـوكم / محمد مبــارك الضرير