قيده للشاعر محمد البحيح السبيعي

[صالح البحيح]

هاذى قصيدة رد لشاعر / محمد عبدالله البحيح الشماسي السبيعي على قصيدة مسنده اليه من الشاعر / فارس شالح الشماسي السبيعي طول الله في عمارهم

(((( ولايحضرنى الا جزء من قصيدة الشاعر/ فارس الشماسى ))))

وللمعلوميه ندى أو لقب " الشاعر // مــحــمـــد البــــحيــــح *


في اجهزت الكنود المعروفه < طــــــــــالـب الغـفــران>





ياطالب الغفـران عننـك النـوق

وخلاً حالـك مثـل حـال النعامـه

قدامها تمشى تسوق الفحل سـوق

وتعبت نفسك بين نجـد وتهامـه

ذودك مغاتير كمـا لـون غرنـوق

يرعى الرقاش وداس عشب الثمامه

يامعرب الجدين رزق الفتى فـوق

ارفـق بحالـك لاتكسـر عظامـه

أظن قلبك عارض البدو مسـروق

وشنت لاقى يـوم ترقـى العدامـه

خليت غرساً صافى الون بعـذوق

ياماحلا في القيض لجـت حمامـه


(((((((((((( وهى اطول من كذا )))))))))))))

وهــــــــــــــذا رد القـــــــصــــــــيــــده:



البارحه عديـت فـي راس صعفـوق

وحـل لـى حبـل قـوى أبتـرامـه

أظيـق مـع بـدع المقاريـع واروق

وخاف مـن بيـت يخاطـى نظامـه

أفتح لها صنـدوق وصـك صنـدوق

كنـى مضيـع لـى جـواز وأقامـه

أفتـش أوراقـى علـى دق ورفـوق

وكثيرهـا رميتبـه فــي القمـامـه

أخاف يلحقني مـن الـرب ملحـوق

وأنا المريـض الـى فـرح بسلامـه

وكان الجهل خذني على جهل منطوق

فاليـوم أنـا ياحسرتـي والنـدامـه

ولا فيه معصوم عن الجهل والبـوق

الارســولاً عــزز الله مـقـامـه

والبـل نتابعهـا برقـان وعــروق

وبعيد عن هـرج القفـى والنمامـه

ولا جـر نواًبولـه رعـد وبــروق

شمـال وقريـب علـى أول وسامـه

ونبت الخظار ونبت للقشـع ذعلـوق

ومن الندى يصبح على الارض غامه

والولـى تـوه لـه سبـوع مدفـوق

منه الجبـل سايـل وملـيً اعجامـه

وقفـت وايتهابخطـوات مشـقـوق

خلفى جبل والعـرق قدمـى أرثامـه

وشبيت ضوى وأشقر البـن مدقـوق

بأرض دمـاث ولدبـق فيـه زامـه

والله ماقلـد حكـم حسنـى وفـاروق

هوه هـوى قلبـى وغايـت مرامـه

وأهل المزارع تاخذ اطـاق مطبـوق

طال النكـاز وقـرب منهـا حطامـه

ولا هوب حادر غرسنا يتبـع النـوق

ولاهوب ماشـى لاركبنـا المسامـه

خله وتلقى من الحساء تمـر جالـوق

تملر الخـلاص الـى لذيـذ طعامـه

وأنته يا أبو شالح ترى رجل ماثـوق

لاكـن قلبـك سابـح فـي غرامـه

شايب وقلبك من هوى البيض محروق

وعقب التمس قلبـك تفكـك لحامـه

ولاصار عمرك حول سبعين ويتـوق

وشعاد فـي أكتابـك نهـار القيامـه

أرجع لربك وكـل مطـرود ملحـوق

وشوف النهار وخـل عنـك ظلامـه