سفر غيمه

[اميره بلا سواحل]

ثلاث ايام اتبعثر سؤال واغنيه واحساس
ثلاث ايام اتساءل وش اللي داخلي جابك؟
ثلاث ايام والدنيا مرآيا والدموع ألماس
ادور في انعكاساتي شبه للشمس بغيابك
واستسقيك تمطر لي وانا كلي عروق يباس
يهد الحلم في عيني حنين الغيم لترابك
انا اللي صرت لك لوحه تنام بداخل الكراس
الونها رضا وسكوت عشان تنال إعجابك
انا اللي كل مااشتقتك اشوفك في وجيه الناس
واسولف عنّك لظلّك واضيع بداخل كتابك
دخيل الله علمني وش اللي ينكسر بالكاس
شعاع النور او عينٍ غفت تبكي على بابك
فساتين وعطور ومشط لمّ الليل والوسواس
عظيم الهم..وجنوني على التبرير متشابك!
أميره تنتظر غفوه طويله تحمل الحراس
لآبعد حلم ..مايشمل وجودي بين أحبابك
مداي اللانهائي فيك وشوقي اللي بلا مقياس
جهه مايحتويها نبض ولاتحصيه بحسابــك
انا استسلمت لك وانتا اذا باقي بقلبك باس
اذا رديت لاتسرف -من التقصير -بعتابك


*الشاعره السعوديه حنان أحمد