ياعشيرٍ نودّه

[ناصر العتيبي]

	قلبي تعذب منك ما أبديت الأسباب والبال يمك لو بدأ منك صدّه نهيت قلبي عن محبتك ماتاب مير القدر حاصل ولا أحدٍ يردّه حبك نفذ بالقلب من بد الأصحاب ويشهد على ما أقول ربٍ يمدّه طويتني طي القراطيس بكتاب والصبر باح وصَّل اليوم حدّه أنت الذهب واللي يحوش الذهب صاب ولا يغني المحتاج هاته ودّه اُنا عذابي ناقش الكف بخضاب غروٍ ذبحني ساطع البرق خدّه وراك ياخلي تكشر بالأنياب أودعتني ساهر ما أعرف المخدّه (رفيقك يوم عسرات الأنشاب وإلاّ الرخى كلن مكاني يسدّه) والظن فيكم في محله ولاخاب واللي يجي ضدك ترانا نضدّه عذرك صحيح وفيه ما نيب مرتاب ويشهد على صدقه سمينه وجدّه قولي معك صادق ولا نيب كذاب وبيَّح لكم قلبي كنينه وسدّه وأرجوك تفهم يابعد كل الأحباب وعساك تسلم ياعشيرٍ نودّه ولاخبرت الطيب ضايع بالأطياب يابو جديلٍ فوق متنه يكدّ