لكِ انتِ

[الحــــزين]

للشاعر / صالح الشادي

إكتشفت اليوم إني كنت ماضي ..
كنت شاعر يحترق .. يملى حياة إنسان فاضي ..
وإكتشفت إن الهوى ماهو بدمــّــك ..
كان شىء من الوهم .. كان إفتراضي ..
يعني في تعبير سطحي .. كان سطحي .. كان ممكن ينتهي أو ما يهمــّـك ..!!
كان ياهي توجع القلب وتذلــّـه ..
كان .. يعني العرش ما عاد بمحلــّـه ..
كان .. يعني دوّر لك مكان ..
يعني كل اللي حصل غلطة زمان ..
يعني شف لك تاج غيري .. وصولجان ..
يعني مالك حق تحكي .. يعني مالك حق تشكي .. يعني غيب بهالعجاج ولا تبان ..
كان .. عند الناس تعني كان ..
يعني موجود وله أبعاد .. وحقيقه .. وكيان ..
يعني نيران وغضب ، ريح وحريقه وعنفوان ..
وعندك إنتي .. كان .. كلمه من بعض ما قال فمــّـك ..
يعني من ذاك الكلام اللي يعدي في سلام .. ولا يهمـّــك ..!!

استويتي ..!! صار لك عنقود يغري الارض ويفجّر ظماها ..!
استويتي ..!! صرتي اشهى من ورود الذكريات ومن صباها ..!!
استويتي ..!! بس من وين ارتويتي ؟؟؟
من سقى روحك حياة ومن رعاها ..؟؟
من وصل فيكي النجوم ومن تباهى ..؟؟
من هذاك اللي على صدرة غفيتي ..؟؟
من يكون ..؟؟؟ الله واكبر .. كيف عنــّـه ما دريتي ..؟؟؟
استويتي .. وبان لي وجه الحصاد .. آه يا وجه الحصاد ..
آه يا ذاك الجحود اللي تلاطم بالسواد ..
آه يا ذيك الخدود اللي يصفــّـعها الرماد .. ما وفت ..؟ أو ما وفيتي ..؟ ما يهم ..
ومن يقول إن الوفا همـّـي وهمــّـك ..؟
إرحلي ماني بيمــّـك …
إرحلي كانك تبين ولا يهمــّـك …
ومن متى كانت سواليفي تهمــّــك ..؟؟ ومن متى كانت عباراتي تهمك ..؟؟
ومن متى كان الشعر .. وإلاّ أنا حتى .. أهمــّـك ..؟؟؟؟