فمان الجرح .. ( مصافحة اولى .. )

[ماجد بن زايـد]

.
السلام عليكم ورحمة الله وبركاته
قصيدة متواضعه اتمنى ان تنال القبول ...

على درب الاماني رحت ساري والطموح كبير = ترافقني على سيري اغنيات الشوق وهيامي
إلك وحشه قسم بالله يا إلها بعد تأثير = ولكن ما مصبرني عليها غير الاحلامي
صحيح بخير لكني اكذب عليك ان قلت اني بخير = انا وين آتعافى والهوى هو جرحي الدامي
لا تنسى الذكريات المرهفة بالذات وقت إعصير = عسى من لامنا في حبنا يرثع وينلامي
اهوجس بك واسولف بك مع ان في الطايرة تحذير = ابغفي ما قدرت اغفي من الاشواق واوهامي
يا ليتي ما سبقت الوقت وتعمدت فالتأخير = عشان اقابلك لو هي دقيقة اشوفك امامي
فمان الجرح ياللي من لمحتك شفت وجهك غير = بآجدد لك وعودي والوفا في قادم ايامي

مخرج:
حكايات الحزن تبدا الصباح وتنتهي في عصير
... وباقي الليل يسرّيني العنا ويعيد لي بالشرح
كذا عايش ومتقبل همومي من وانا صغير
... ما اخبر انه بقالي وقت للتنفيه او للمرح
يدين الوقت تغرف من دموعي ليه ؟ لأني غير
... ومن عوج المحاني تسرق اللي باقي ْمن الفرح
ولا تشغلك نفسك ما حصل في الموقف الا خير
....ترى ما في ضلوعي غير هم, وآهتين, وجرح