غيرك إذا شفتهم جتني حساسية.?!

[مناور بن هاجد]

أخواني أعضاء ورواد المنتدى الكرام
أسعد الله أوقاتكم بكل خير
أضع بين إيديكم هذه القصيدة للتواصل عل وعسى ان تحوز على رضاكم:

البارحة عايف أولها وتاليها=نديمي الكيف والكية هي الكية
الكيف عندي ابدلة محتفي فيها=البن الأشقر من ديار اليمانية
طافح بها الهيل والمسمار زاهيها=فنجالها مستوي مية على مية
هو شف بالي واعماس الرأس يجليها=من عقب الأوجاع والروحات والجية
روابع الفكر يامطول مساريها=في ليل توّه ضوا مافيه ماويه
لجتني النفس لينه باح خافيها=ياصاحبي صارت الدعوة رمادية
مراكب الحزن تاهت عن موانيها=مابين موج البحر واعصار جوية
لولا المثايل تسليني وأسويها=مخطور تنتابني حالات نفسية
دام المعاني غزيرة دون باغيها=وبنات الأفكار عندي نارهن حيه
الجزلة أسعى لها والهزلة ألغيها=وأحلل المفردة من كل منقية
أبيها تطرب لسامعها وقاريها=وتلامس إحساس وجدانة بحنية
حين أرعدت ثم ناض البرق قافيها=بالي على الريح من هبت جنوبية
جابت خيالك هجوسي فيك أهنيها=في وقت ماكانت اللحظات عادية
لاتنشد إشلون وش فيها ومافيها؟=الصبر له حد وأخلاقي تجارية
تعال ياداء روحي ويامداويها=أبطيت والوضع وماينطاق موليه
لو تطلب اعيوني الثنتين مهديها=كلي فداء لك يابو نفسِ حياوية
شوفتك عندي على نفسي أبديها=وغيرك إذا شفتهم جتني حساسية
أبراجك اللي امشيد لك مبانيها=عمرّت من حولها بالحب محمية
أحبك؟ الأ أعشقك ولاقدر أخفيها=قد قالوا العشق ماتخفى موارية
أهل الحسد خلها في غل معميها=العقرب أبسمها تموت والحيه
لاتلتفت يمها بالك تحاكيها=نقصان في ذاتها ماهي على النية
الله يصلح انفوس البعض ويهديها=مادام بالشرع مأمورة ومنهية