:: علتي من طبيــبي ::

[محمد الضرير]

أحبتي مأســاة العاشـق حين يصــدم في من أحب ويســاء فهمـه
وفهم مايحيط به من ظروف حينهــا يعتصـره الألم وتنــزف جراحـه
ويــزداد غبنـاً وخيبة أمـل ، كتبت حـول هــذا المعني هذه القصيدة
المتواضعــة أرجو أن ترتقي لمسـتوى ذائقتكم ...........

من لهفتي واشواق قلبي وبلـواي = كلّمتـك ابغـي فزعتـك ياحبيبـي
من لوعتي من حرّ ما بي من ابكاي = كنت ابغي اسمع ما يطفّي لهيبـي
أبغي تواسيني وتسمـع لشكـواي = أبغي حنانـك والـدلال العجيبـي
لكن خسارة خاب ظنّـي ومسعـاي = حيل الله أقوى علّتي مـن طبيبـي
جرحتني وانا انتظـر منّـك ادواي = جرح(ن) جديد(ن) قبل الاول يطيبي
ماذاب ظني فيـك ياغايـة منـاي = إنّـك تعمّـد وجعتـي واتعذيبـي
من حين للثانـي تهـدّد بجفـواي = وقلبي بلي بك وانت قلبك بلي بـي
زعلان تبغي ياريش العين جمعـاي = وش في يدي مادام هذا نصيبـي ؟
هذا علي مكتوب ماهوب برضـاي = لو نبتعد طيفك معـي مـا يغيبـي
ياما عليك أصفق يساري بيمنـاي = من حبك وفرقاك قلبـي صويبـي
لا اظلم سواد الليل ياشين ممسـاي = الافكـار تلعبّـي بعيـد وقريـبـي
أنوح وابكي وارفع الصوت بغنـاي = مالي جدا كود البكـاء والنحيبـي

أخوكم / محمد مبــارك الضرير