الالفيه

[هيكل الشمري]

الألف: أألف من جزيلات الابيات=وأخذ صميل القاف واسلا الخفيفات
وابحر في يم الشعر واقطع مسافات=والكيف لا سن البحر زاد صيده
الباء: بدالك مالقينا بدالك=أنت الغلا وسر الغلا في جمالك
خذيت من جل المحاسن خصالك=مشمول وصفك والمزايا عديده
التاء: تراني يااريش العين غادي=دونك جيوش الهم طالت فؤادي
لاقلت ابسلا مايفيد التفادي=ارحم خفوقن زاد همه وريده
الثاء : ثلاثه في مكاني رمني=الأوله يوم الغضي غاب عني
والثانيه في صاحبي خاب ظني=والثالثه ثلثين قلبي يريده
الجيم : جالت في منامي كوابيس=مثلبها الشيطان والمخرج ابليس
هم زود همي في منامي هواجيس=راجيك يالمولى عسا انك تبيده
الحاء: حالي من هوا البال حالي=ضيم واسا واهموم والزين سالي
ليته درا عني وعن اللي جرالي=حالي بدونه لا ولا هي سعيده
الخاء: خيانه في خيانه كلامك=يومك نقضت العهد قلي علامك
ليه بغيابك مالفاني سلامك=وانا هقيت ان المواصل تجيده
الدال : دارك كل يومن ازوره=واذكر ليالي راحت اليوم دوره
به نشوة الخفاق محلا شعوره=مع هاجس الذكرا ذكرت الوديده
الذال : ذلي من شقا الهم ذلي=ودموع عيني من فراقك تهلي
فرقاك ياسيد المها زاد غلي=مشتاقلك مار المسافه بعيده
الراء: ربي ينظر الحال ويشوف=طبعي حياوي والحيا علة الجوف
واخاف من بوح الغلا يجلب الخوف=حالي جداها البين وصارت وحيده
الزاء : زمان اول حلاته يعودي=يوم العرب مرباعهم بالنفودي
في صحصحٍ مافيه روف الحدودي=وقتن مضى مافيه موضه جديده
السين: سالت دمعتي فوق خدي=يوم التفت وشفت انا الوقت ضدي
جرح المحبه بيح اليوم سدي=مجروح قلبي من فعايل وديده
الشين : شين يجرح القلب مبغاه=يالو قلبي بالمحبه تمناه
لنساه انا وانسا مع الوقت طرياه=ولا بارك الله في خفوقن يريده
الصاد : صدك عننا ازمت عناد=واليوم من صدك ترا القلب معتاد
هذا عنادك يامنا العين مافاد=ماهمني يازين لوك تزيده
الضاد : ضدي وقف الحظ والفال=والهم في صدري على هيئة ارتال
جيش الخطر في داخل الجوف يغتال=واضعف ضعيفٍ في طغاهم وليده
الطا: طريق الحقد يقطع بالأجناس=ودرب الردا مبداه مع صبة الكاس
والا الكرم والجود والطيب نوماس=وراع الوفا دايم صفاته حميده
الظا : ظريف الظل بانت نواياه=مايدري اني فاهم اليوم مغزاه
انا اشهد انه بالفتن تمشي اخطاه=ذاع الفتن مثل الخبر بالجريده
العين : عيني في نظرها الهوا هم=ياكم حبيبٍ من حبيبه تألم
ياللأسف بعض البشر مابها دم=تنصب على جال الولايف مكيده
الغين : غير الصيت مايرضي العين=آحاذر الميلات واجنب الشين
الطيب ماياتي من شهور وعامين=والجود عسرن عالوجيه البليده
الفا : فلا والله ارضى الهزيمه=يالو حبل الياس هد العزيمه
ملزوم اكافح للأمل بالعزيمه=واقطع حبال الياس لو هي عتيده
القاف : قافي من مواعض حياتي=شفت الحقيقه من معالم غناتي
هي عبرتٍ كنت اعتبرها غلاتي=واليوم اعاني من عناها قصيده
الكاف : كان الشوق عالكيف غلاب=وصورة خياله عاودت بين الاهداب
عزالله اني ماني والخير يااصحاب=انا اشهدٍ موتي على راحة ايده
اللام : لا لا مااجيله وانا حي=خلاص ماله في خفوقي ولا شي
نسيت انا ذكراه مع ذرفة المي=فرقاه عني سعد قلبي وعيده
الميم :ماله بأطرف البال طاري=ترحيل وده مع ضما الشوق جاري
عزمت هجره واتخذت القراري=وماله امل في ساعتٍ نستعيده
النون : نوم الليل ماطاب للعين=حالي شقيه والسهر زادني شين
ماعدت اطيق بواقعي كثرة الدين=مديون ودي مفلسٍ عالحديده
الها : هيامي خوة الناس الاجواد=اللي على فعل المواجيب ذواد
واللي غلاهم يوم عن يوم يزداد=منهو شراهم ماخسر في رصيده
الواو :وينك يامنى العين وينك=ليتك تجي وتشوف حالي في عينك
البال رايق ماوقع في كمينك=الحب من شرواك ماعدت اريده
اليا : ياليت الهوا فيه قاضي=وش ماحكم في حكمه البال راضي
كانه خذلني المهم اتعاضي=صحيح من قال المواقف مفيده