ماعاد به نوم / وما عاد به سهد / وما عاد به / أنا ..!! ......... شيخة الشيخات

[شيمة]

	( صقر ) . . أبا انام .. اغزل لي من أشواقك خيام .. / لا لا لا تنام .. اسهر ليلة عشاني .. النوم لا منه جفاني .. / وعلى حد العمر نساني ..! وينه .. ؟! هو ليه رحل ولا جاني .. ضوى الليل .. لفى يا همي منه والويل يووووه يا سهر يا شجر ماله ثمر غير الغرابيل .. ! ضوى الليل / وفاح الجرح بريحة أنفاسه وشذى هيل شبت النار بالغضى وبضلوعي هو ما انتظر حتى رجوعي رحل ولا سأل ..؟ من قطع اصبوعي .. ؟ وسرق مني عيني أنا ويني ..؟ وهو .. فيني رحل وحلف ما يجيني غابت الشمس ضون عطايا الله الله عليكن يا مرحبا حي ذا الشوف مرن من جدام بيت الشعر غشاني الدمع يا صدع قلبي من شوفكن صدع .. يحنن لا لاتزيدن عذابي جروحي بي يونن لاتحنن ضيعت احوارها وادمعت عيونها تشتكي لجارها الهبت في حشاي من حزنها نارها احمس القهوة يا صقر يا ابعدي ياخوي يا ريحة امي وابوي تعبت من القهر ما دروا عني يوم شدوا اظعانهم وغربوا بالسفر قاصدين اوطانهم احمس ياصقر فداك راسي والعمر عطني كتفك ابسند راسي يا ريحة الخزاما والزهر اسندني حنانك دقيقة يشفيني شهر وشدوا للمغيب ارحالهم .. !! و آاااااااااااااه يا صقر كفخ حظي وحام ما شرب من ذاك النهر وانا ياخوي قل شوفي من يوم احتل ذاك الفارس ضلعاني وجوفي و انحنى مني الظهر من غاب القمر وترك لي مسباحه به باقي من كفه نفحة عطر .. برد وجفا وجفني من عمر ما غفى ابغفى ولو لحظة بلا لحاف ولا غطى فراشي الثاد .. ولحافي سما وانجومها جلاسي اتداعب انفاسي اااااااااااه يا زمهرير الهجر جمدني جفا ليه نسى ليه رحل بلا وداع ولا متى .. ؟ ياخوي برد زد الحطب ما عاد به نوم وماعاد به سهد و ما عاد به أنا ..!! وحياتي عقب فرقاه كلها سايرة صوبه منتحية .. جداه راحلة تجمع بقايا صور من ذاك العمر و تقبل اخطاه و قلبي رجف جليد وبرد حتى الحكي نشف على أطراف الشفاه تجمد شهد .. ابعدي يا صقر شب الجمر لين تدفا منه المحاني ياخوي ضجت جروحي صبر وكل جرح غير فرقا الولايف يندمل ويشفى الا هالجرح كل لحظة يحتضر ويرحل العمر وهو يبقى .. شب الضو .. غير دمعة حزن .. فيني مابقى وشوية جمر .. لباقي العمر . و أبغفى ..