قصيدة التوبه

[شاعر الأحلام]

بسم الله..قررت أتوب..

وأرضى بقدري والمكتوب..

وأصبر لجل الحلم يقرب..

واللي بيجرح..واللي بيكدب..

توبوا معايا كفايه ذنوب..

أنا مش هندم ع اللي حصللي..

وأنا من بكره الفجر حصللي..

مش هستهتر ولا هستهبل..

وأعمل فيها تملي ثكللي..

وهظبط مواعيدي بالمللي..

فعلا أنا قررت أتوب....

هكنس كل بقايا الماضي..

هجمع همي ف شنطه وأعبي..

حخلص م الفار اللي ف عبي..

وهلم اللي عليا اتقال..

وهسلمهم للزبال....

مهبوصش لجراح الماضي..

للبص أنا أصلا مش فاضي..

وأنا شايف النص المليان..

مببوصش للنص الفاضي..

ولا هبكي على زيت مسكوب..

أنا أصلي قررت أتوب..

مصر بلادي بتنادي..

شبيك لبيك يا بلادي..

أنا عبدك واكل من خيرك..

مسواشي يا بلدي من غيرك..

هوهبلك شعري وفؤادي..

حبري يا بلدي ومدادي..

دمي يرخصلك وجهادي..

وعشانك قررت أتوب..

البسمه من بعد يناير..

مرسومه ع الوش بشاير..

مكتوبه على قلم الشاعر..

منحوته على صوت الثائر..

مخلوطه بالدم الفاير..

بتقول للعابر والزاير..

يلا يا مصري..يلا نتوب

شاعر الأحلام