فاصلة للشاعر خالد القحطاني

[ذكرى للأبد]

كفكف الدمع ياطـرفٍ جفـاه النعـاس

محجر العين قد لـه مـدةٍ مـا ضمـي

فات وقت الحصاد,ومات عرق الحماس

بين زلـة لسانـي وانتكـاس اعلمـي

صار فالوضع نقطـه فاصله,والتبـاس

سامـح الله ايدينـي يـوم زل اقلـمـي

يامشرّبني مـن الهجـر والبعـد كـاس

كلما صحت لك تكفا..سفهـت ازهمـي

حسبي الله على راعي اختبـار القيـاس

فتّح عيون قلبـك بعـد كانـت عمـي

علموك الدروس وصار فيـك اللتمـاس

ليـن صنفتنـي مجـرم وانـا مسلمـي

اختبـارك صعيـب وحنكتـك ماتقـاس

رميةٍ منك تكفـي عـن كثيـر الرمـي

كُثر ما خِفت من نبـتٍ يجيـه اليبـاس

كثر ماقلتي اسمع...ثـم قلـت اسلمـي

يامسبـب لقلبـي عزلـةٍ وانحـبـاس

ليتك تشوف كيف اسمـك يعطّـر فمـي

ليت مالك على عرش ابلج الصدر ساس

وليت مالك معا كـل الخلايـق سمـي

البلا انـك تمشـى بيـن قلـبٍ وراس

كيف بنساك وانت مركـبٍ مـع دمـي

كيف ياتيك ضـر ويعتريـك المسـاس

وانت بين الضلوع ومحتميـك ألحمـي

رجعتك بعد صدك مثل رجعت ((دباس))

وانحباستـك ليـلٍ حالـكٍ مُضلـمـي

للشاعر/خالد نايف ال مسعود القحطاني