"بلـــــــــــــوره"..

[هايس الشمري]

السلام عليكم و رحمة الله و بركاته..



اتمنى ان تحوز على رضاكم..


/
\
/
\
/
\

يهيض خاطري حرفٍ يشع و ممتلي به نور=.سلم فكر الذي يرسم من الكلمات.. "بلوره"..!!
هذاك المترف الناعم.. هذاك الشامخ المغرور..=هذاك الامر الناهي.. على قلبي بدستوره..
لفاني حرفه و مدري.. وش اللي في حشاي يدور..=سبحت و همت في نورٍ.. يشع بداخل سطوره..
واقرا حرفه و يصغر بعيني شاعرٍ مشهور=تفنن بالكلام العذب.. في شعره.. و منثوره...
تفضفض من بعد حزنه..كئيبٍ خاطره مكسور=و طار من الفرح يركض.. كأنه فاقد شعوره..
سحابه علّت بصدره..فياضٍ جدب.. و ارضٍ بور=و أضحت من بعد غيثه.. ربيعٍ غنّت طيوره
تشابك عشبها و صارت.. تفوح من الحيا بعطور=بختريّه.. مع خزامى.. و نوّاره من عطوره
و إلا كنّها شمسٍ.. اخافت ظالمٍ مقهور=و راح بخوف يسبقها.. يخاف الموت من نوره
تبدّل هالدجى صبحٍ .. و غرّد لحنه العصفور=و صار الكون في نورٍ.. أزال الظالم و جوره
حبيبي.. روعة حروفك.. شذا ورد.. و عبير زهور..= و أنا حارت بي افكاري.. مابين الورد.. و زهوره
تعال و كمّل الفرحة.. و زوّد هالفرح بسرور..=تعال ابغاك لي شمسٍ تدوم بهيبة حضوره

و سلامتكم


اخوكم