اسمع وعلمها مدام الوجه كاسيه للثام

[فهد الذيابي]

راعيتها والنور لامنة بدى يجلى الظلام = والبدو تشقى والشقاء والهـم حبلـه فـي يـدي
وحنا بدو مانسكن الا فى الصحاري والخيام = وليا نخيت الرجل منا جاك بالحيـل يعـدي
فينا طبيعه مانحب الطامنه والانهزام = اكرام نفس (ن) وروسنـا بالعـز تاصـل للجـدي
رجالنايعيش عيشة لايذل ولا يضام = لو كان يفدى عمره لمـا جـات مـن ربـه فـدي
لاتحسبني يوم أنا ساكت بمررهـا سـلام = الحـق لمـا جـاه طلابـه يـروح ويغـدي
وشلون تبغاني أوريها الوفاء والأحترام = وهيه توريني الجفـاء والصـد قلـي يابعـدي
أسمع وعلمها وافهمها عليه با الحرام = أنـي لنـزل راسهـا وشلـون ترضـي بنكـدي
وأسمع وعلمها مادام الوجه كاسيه اللثام = لاتكشفه واكشـف سرايرهـا بليـلٍ سرمـدي
وأسمع وعلمها مرد الطير يرجع لو حام =هذا وعد مني وأنـا رجـال ووفـي بوعـدي
وأسمع وعلمها تراني من رياجيل أكرام = أن عاش راسي مانثنى عزمي ولايضعف جهدي
وأسمع وعلمها ترانا مانحب الأنهـزام = بـدو ونفـدي روحنـا للمـوت يامسلـم فـدي