أحتــــاج لـ عتابك !

[سامي الجارالله]

مسا الورد ..

.
.


من غيري تسمع ! و تزعل !! ثم تجفيني !!!

......................................... لا .. و الغبينة ! عجزت أعْرِف وش أسبابك !!

اسألني ! .. يمكن جوابي به تبرّيني ..

.......................................... وشلون أبوصلـْك ! و انت مقفـّل أبوابك .. ؟!!

خلّيتني ضايع ٍ , امشي ورا ( سيني )

.......................................... كم ( جيم ) صادفت .. بس الدرب متشابك !

احترت , حتى لقيت إنّي ( عدوّيني ) !!

........................................... احترت , حتى دريت إن انت ( أحبابك ) !!!

لا جيت ( مسحوب ) / أجي بـ آهاتي ( هجيني )

........................................... علّيت صوتي / عشان آنادي ( أسرابك )

.
.

و أسرابك تروح و ما ترجع .. !

................................... من غيرها بس أغنّي له .. ؟!!

كم عاذل بـْ زعْلنا يطمع ..

................................ و انت بـ كرم .. كنت تعطي له !!

هذا وأنا فيك ما أسمع .. ؟!

.............................. وش فيك صاير " مع الشيله " ؟!!

من يومها و القلم ( يدمع )

............................ و كفوف الأوراق : . ( منديله ) !

لا قلت : يكفي / كتب : يتبع .. !

............................... و أهدى قفار الحزن .. خيله..!!

دام الغلا له ( نجم ) يلمع ..

................................... بـ اطفي عذابي فـِ ( قنديله )

ثم انتظر شمسنا تطلع ..

................................ ياااا ليتها بعْد هـ الـلــيــلة ..

و نرجع مثل أمسنا، و أروع ..

............................... حنّا / مع قلوبنا / .. ( عيله )

من كل أحاسيسنا نزرع ..

............................ و اجمع لك الحب فـ ( إكليلة )

مع شعري إن كان لي يشفع ..

............................ ( موزونك ) لـ عين ( تفعيلة ) .. !
\
/
\

أياااا ويله ..

جبرته ..
و انكسر بي ( صوت ) ..
و قال : الموووووت ..
و فات الفوووت .. !!
و قلت : اصبر ..
على هونك ..
أنا .. !!
ما زلت مجنووونك ..

(( أحبك ))

مقدر آخونك ..

و إذا صدق انتهى أمري ..
أبي تحملني متونك ..
و تاخذني إلى قبري ..
مدام إن الجفا ( تابوووت ) !
و فات الفوووت .. !!
و قلبي ما معه حيلة !!!
أياااا ويله ..
أيا ويله ..

و إذا باقي أمل فعلا ً ..
بـ اجيك ..
بْـ إيدي سنيني ..

و آقول:
بالله قل لي بسّ أنا ويني ..؟!!

.................................. غيّبتني عن وجودي / فترة غيابك ..

و الحين ما عاد فيني / كثـْر ما فيني ..

............................ و إن كنت مـَ اخطيت أبد / احتاج لـ عتابك ..

أحتاجك ( الدّم ) تجري في شراييني ..

........................... أحتاجك ( السّـتر ) / مثلك مثلها ( ثيابك )

أغليك .. و ادري بعد وش كثـْـر تغليني ..

...................... بس يا خساره ( جَنَوا ) من سمَّوْا ( أصحابك )

و بين ( الجَنا ) و ( الجناية ) : مت ّ يا عيني ..

.................... إمّا يوارى ( غرامي ) .. ! و إلا ّ .. أحيا بك ..!!


.
.



س . ج !