مجاراة ثلاثية فالح الهاجري سعود الفرحان والمعنى111

[فهد الماجدي]

\



فهد الماجدي / المعنى 111


ياسعود بنشدك خبرّنا
..... عن ناس بالذوق اسطورة!

الوّرق من عقبهم غنا
.... وعواته الذيب مسعورة!

عبرات بشهاق هيجنا
...وواجاع واهات منثورة

,الحين ماعادنا حنا
...يوم انهم نفل وزهورة

انقطعت اخبارهم عنا
... من يومها الياء مكسوره!

اخلاق بالفعل .والمعنى
... وسراج لهل الوفى نوره

والحر لمن كفخ سنا
... سفح الجبل فوق ويكوره

وهالحين ياسعود علمنا
... يالله عسى المزن نافورة

.
.


(جهامه) تظن يهجرنا
..... حتى (الغلا ) حال له دورة


\





\\\\\\\\\\\\\

سعود الفرحان / الحزن الاكيد


ان ضاقت الأرض فجرنا
بالذات والأرض ممطوره

واليا عطى الحظ وخّرنا
واليا تردّى له اجسوره

واليا تذمّر تذمرنا
كيف انت لاجيت بعطوره

بخرك طيبك وبخرنا
واليا ارتفع ضاع ببخوره

اظن فالح بيأسرنا
من مبدأ الـGOOL والكوره

ولاّ الغلا لوّ يوقرنا؟
تلقاه متواصل بنوره

انشد الأول مع آخرنا !
يوم الشجر صاح زرزوره

تلقى الجواب يتعذّرنا
وش لون خلوك بالصورة ؟

.
.


غالين والصبر صبرّنا
مهما الغياب ابتدا موره






\\\\



فالح الهاجري \جهامه\



إرتجـــاليّه ..

إلى صوت الوفاء ... المعنّى
وإلى حنجرة الوفاء .. سعود الفرحان

عبر كل الزملاء والزميلات .. من عاصرنا ومن أتى بعد ( الكسوف ) !!
لكم كل الحب .. وعذرا على الغياب .
.
.

يا سعود خبّر فهد عـنـّا
من عقبه النفس مكسوره

عقب القسى للزمن لنــّا
والدار قـفـرا ومهجوره

من يوم صوت الوفا غـنّا
وعيون الاحزان ممطوره

حنـّا على العهد ما شـنّا
وشعورنا يشبه شـعــوره

على طبوع البدو حنــّا
وافين بالصوت والصوره

واليا سمعنا الوفا بـنــّـا
نقطع له الدرب ونزوره

وافين واصل الوفا مـنـّا
تاريخنا يكتب سطوره

موطن هل الطيب موطنّا
منزالنـا عالي قـصوره

بين اهل هالمنتدى كنـّا
نكتب عن الشعر وبحوره

(لمخضب الكف بالحنّا
اللي غشى ليلنا نـوره )

واليوم تبقى محاسـنـّا
ذكرى بها النفس مسروره

صوت المعنّى يطمـنـّا
إن الوفـا عالي ٍ سـوره

.
.

هيّضت الاشجان يامعنّى
ولو تبكي العين معذوره !!





\