{ قالت : ياربييييه }>>>

[مبروك بن ماضي]

	( قـالــت : ياربيـيـيـيـه :)!!! ***************** قلت الغلا: قالـت هـلا سـم لبيـه معهـا خذتنـي للامـل والامـانـي ،،، وشعرت كني صايـرٍ ياعـرب بيـه وش بيه! بل سلطان حاكم زمانـي ،،، وأزريت اجد لفيض الإحساس تشبيه حيث انّه اكبر مـن بلاغـة بيانـي ،،، صارحتها: قلت أغبط اللـي تحبيـه يابخت من له وسط قلبـك مكانـي ،،، قالت وهل لي :أخفي الحـب ياهيـه غيرك فلا يسكـن بهالقلـب ثانـي ،،، قلت اصدقيني القول قالت (ياربيييه)! مبروك منّك يووه !! وش كثر أعاني ،،، انا عطيتك عهد وش لون أخل بيه! واعلنت حبي لك ، لقاصـي ودانـي ،،، قلـت آمـري وش تطلبينـه ألبيـه نذرت عمري فـي غـرام الغوانـي ،،، قالت طلبتك هاجـس الشـك مابيـه أشعر واحسْ بانـه يزلـزل كيانـي ،،، أقـول هـذا لـك ميانـه وتنبـيـه واللي على قلبـي يقولـه لسانـي ،،، قلت اسلمي صبي لي الحكي صبيـه في مسمعي 0يصبح كلامك أغانـي ،،، من غيرك احلم به واحبه وآحابيـه وآ عامله باللطـف هـو والحنانـي ،،، تقوليـن يالبيـه وآقـووول لبيـه وآ سكنِّك فالقلـب بيـن المحانـي ************ أخوكـم ومحبكـم / بـن ماضـي