الا ياضحكة نامت بعد ذاك الفرااق المر

[عوض الحربي]

اخواني اخواتي



مسااااءكم سكر واحلى قصيد




اليكم هذه القصيده اللتي احملها لكم وكل شوق ان تنال اعجابكم

الا ياضحكة نامت بعد ذاك الفراق المر=متى بالله يصبح بك حبيب القلب وتقومي
واشوفك في نظر عينه امد لك النظر وابصر=تحطين الفرح قصه بلا احزان وهمومي
بطلها خلي لوحده ولاشارك معه آخر=مسك ادوارها وابدع بدون ابطال ونجومي
رسم لي بأول القصه مشاعر كنها منظر=خضار العشب في واحه لفحها قيظ وسمومي
وسألني بآخر القصه عن احوالي عسى ماشر=تنهد قلبي وجاوب ختمتي قصة حلومي
طلبتك يافرح قلبي مطاليبٍ بها توجر=تذكر من منع ليله نزول الجفن للنومي
حبيبي مابقى عندي قصيد لحضرتك يذكر=خذيت القاف بحروفه بها المقصود بعلومي
الا ياأقرب من الجفن اذا زولك عليه مر=وابعد من سما كوني اذا بتغيب لو يومي
اذا شفتك نسيت اللي شربت بغيبتك من مر=واذا غبتوا رجعت اللي من اول كان محرومي
انا مدري نهاياتي بداياتي من الأخر=تلخبط كوكبي وانداروعاكس وجهة سهومي
اذوقك يالفرح لحظه واعيشك يالحزن اكثر=كأنك يالفرح نوضٍ لمع في عتمة غيومي
الا يالله ترحمني وتجبر حالة المنضر=سطا جرحه على حلمه وصار الحلم مكلومي

وسلامتكم