مصـــــافحـــه (( ليــــه المعــانـــد))

[عبدالله عزيز]

السلام عليكم

مصافحه اولى اتمنى لها القبول واتمنى كذالك لهذا الصرح الجميل كل التميز والنجاح

دام أنت مقفي رح عسى الله يهنيك=ماني بفاضي أسمع القيل والقال
كم قلت لك يازين ربي يخليك=لاتسمع الحاسد ولا هرج عذال
وانته تعرف اللي يبيعك ويشريك=وتدري أنا شاريك من بد الازوال
ليه التّجني ياعسى الله يهاديك=ليه المعاند يامنى الروح والحال
بقول لك بيتين وأنصت بذانيك=يمكن تعرف ان البشر هرج وأفعال
الاوله منهو حكى لك .. حكى فيك=واليوم في حال ٍ وبكره على حال
والنفس لاتدرك هواها وتذيك=حاول تروّض نفسك بكل الاحوال
والحين أنا ماعاد أحبك ولا أبيك=إبعد وخله ينفعك قيل ٍ وقال

عبدالله عزيز