هموم شاعرة...!

[نوني]

هموم شاعرة...!

دولفي فيلم كرتوني يعرض على القناة الأولى في وقت الظهيرة، في حلقه من حلقاته كان عنوان الحلقة "هموم شاعرة " ،وكانت الشاعرة أوسترا (لايفوتكم الأسم ) محارة تعيش في البحار (دخلنا في قصص قبل النوم..!) تدور بوريقاتها في أرجاء البحر، ولما شافت دلافين راحت ركض وطلعت وريقاتها واقصدي قدامهم فما كان من هالدلافين الا الهروب...!
ولم تيئس أوسترا فهذا الاخطبوط امامها وتنتهز الفرصة وتقدم نفسها ومامداها تطلع وريقاتها الا غباره يسلم عليها ، عاد بقى الشرطي هو سمكه كبيره بس صراحة لا اعلم من اي نوع، المهم هو شافها حاول يصرفها بأي طريقه ماقدر..! وهي متحمسة تقرا أشعارها صرخ بقوه توقفي، وتتوقف السلحفاة اللي تمشي وتعطل السير،وصارت حوادث وكل هذا بسبب الشاعرة أوسترا.
زعلت أوسترا ( الشاعره) وضاق صدرها وقررت أنها تغير المكان اللي هي فيه لأنهم ماقدرو موهبتها ولا راعو مشاعرها، ( بلشه هالمشاعر صارت موضه هالايام..! ) أختفت أوسترا ودولفي وأصدقاءه يبحثون عنها لأنهم حسوا انهم حطموها..! دورو عليها واخيرا لقوها في داخل "جره" مختفية ، نادوها وسألوها ليه مختفيه قعدت الضعيفه تشكي تقول: تضحكون على قصائدي ، قالوا لها قصائدك طويلة قالت: خلاص اخليها قصيرة تلعثموا وش يقولون لها، هم عارفين أنها ماتنفع شاعرة ويبون يقنعونها تغير الشعر للرسم فقالوا لها: أوسترا احساسك الفني يتلائم مع الرسم،( مايبيلها على طول أقنعوها) تركت أوسترا الشعر وبدت باللوحة والريشة،
وراحت للأخطبوط ( يدينه كثيرة ومعقد وشوله تروحين له..!) خربطت اوستر ماعرفت ترسم الأخطبوط هو شاف الرسمه مات ضحك، تحطمت أوسترا وشالت قشها وهي تدافع عن نفسها، أنت لا تعرف في الرسم ولا الموهبة( ياكثراللي يحطمون..!) قابلت دولفي وأصدقاءه وشافوا الرسمة قعدون يضحكون عليها والمشكلة هم اللي قايلين لها موهبتها في الرسم..! ( حاسة فيك ياأوسترا والله )أختفت أوسترا عن الأنظار ومازال البحث عنها جاري حتى الآن .