( طبخ الحـــصى ) و (الأرمــله ) ..!

[عبدالله حاشم الشمري]

أول حضور يمتد لقلوبكم

وكل الشكر للأول في قلوبنا
( نــايــف الجـــزاع )

مابين ضحكة نهايات الدوام الربوع=ولاّ عبوس الوجيه السبت وقت الدوام
أشوف ضحكة طفل يضحك لأمه قنوع=او.. دمعته يوم راح ابوه مِـنْـه بسلام
وحسيت بي شي يرقا بين حدب الضلوع=رقا .. رقا : وانحدر بالصدر ماعاد قام
والبارحه ..كان ليل البارحه لي يروع=مانمت ابي شي اعرف انه بعد ماينام
أحساس مدري من اللي علمه للـرجوع=وانا حسبت الطريق اللي يجيبه عدام
ومادام وصفه تمادى حيل صوب الطلوع=أكيد (ألأحساس) :صوتٍ فاق كل الكلام
استعذبه حيل واستمتع به بأي نوع=مادام (طبخ الحصى) عجّل بجوع الصيام
من يذكر الأرمله واطفالها ايتام جوع=ناموا وقاموا وهم تحت انتظار اليدام
حسيت بي شي يشبههم ..وياهو يلوع=واغرقت حالي غضب في ملح بحر الملام
واستشهدت من وجع صدري قوافل جموع=وعزيت نفسي .. لأن :أصل العزا للكرام
لو ما الظلام القوي ما تنكشف يالسطوع=ولولا سطوع الضيا ماشفت وسط الظلام
استحلفك يالقصيد اللي بصدري تفوع =أنك تعـوّد : وانا .. (والله علي الحرام)
غير اكتبك ضحكة نْـهاية دوام الربوع=ولاّ أمسحك.. مسـح دمعة رجل يكره يضـام