والله ملومك ياسعد

[سعد العصيمي]

بسم الله الرحمن الرحيم


.

عندما ترسم في مخيلتك
صورة حسنة لطيف بعيد
وترى لوحة رائعة رسمت على حد مدبصرك
يأخذك الفضول لاكتشاف جمال هذه الاشياء
ولكن عندما تقترب منها يتضح لك ان الغدير سراب
وان اللوحة اخذت الوانها من الزيف والهامشية
حينها لن تتردد في قذف اللوحة في اقرب حاوية
غير نادم على ذلك

الليل دامس والمساري مخيفه =والحر مايكبت على غيرته كبت
يابرق يالي ماشقاني رفيفه= لامرويٍ جوفي ولا مسقيٍ نبت
عودت من عندك ونفسي معيفه = مرجي مطرك ولوشقيت وتعذبت
كرامتي ماهي دقاقه نحيفه =كرامتي تسوى ومن دونها نبت
حلمٍ حلمته مشغل القلب طيفه=ويوم اكتشفته عن طريقه تغربت
مهين نفسي للوجيه السخيفه =والله ملومك يا سعد يوم عصبت
عن حب مايسوى وناسٍ خفيفه =عفته وانا اللي منه والله تعجبت
موتٍ بعز ولا حياة كليفه =وانا احمد الله طبت ومن الهوا تبت
انا الذي جيتك بنفسٍ عفيفه = وانا الذي في جرح قلبي تطببت
يكفي كتبتك شعر في أجمل صحيفه =ولاتنشغل لوكان عن ناضرك غبت

وسلامة عيووونكم
اخوكم