يكفي انك لا حضرتي فز لك قلبي وقام = ويكفي ان لك في خفوقي بيت وربوع وقرايا

[حسين النجراني]

في البداية اود ان اشكر كل من قرأ مشاركتي الاولى بدون استثناء

ثانيا كل عام والجميع بالف خير بمناسبة حلول العام الجديد

اود ان اصافحكم هذه المره مع اطلالة عامنا الجديد متمنيا ان تكون بداية موفقة باذن الله

كما اتمنا ان تحوز على رضاكم واستحسانكم فلكم مني كل الشكر والتقدير ولي منكم السماح ان حصل تقصير

قالت انت اول غلا واعذب مواويل الغرام = والله انك ياحياتي ساكن(ن)بين الحنايا
والليالي تنتشي بك لا غدى وقتي ظلام = وكل صبح(ن)دون شوفك باهت(ن)ماله مزايا
قلت انا اللي من سهرتك ما غفى جفني ونام = والسبايب طيفك اللي شاغل(ن)كل الزوايا
والسوالف ملحها انتي ومعك يحلو الكلام = والقصايد لا كتبتك اكتست ورد وهدايا
قالت انا من عشقتك وانت في صدري وسام = وادري اني لو خسرتك ما بقى فيني بقايا
انت درب(ن)لو مشيته ما على مثلي ملام = وانت دم في وريدي وانت في جسمي خلايا
قلت والله من عشق مثلك بلغ حد المرام = وش يبي دامك طموحه يابعد كل البرايا
طمني قلبك وعدي فوق هامات الغمام = يا هنوف(ن)سولفت عنها مساحات المرايا
قالت احيى كيف من دونك وانا لغيرك حرام = كيف وغيابك يوردني على حوض المنايا
يابعد قلب(ن)سكنته فيه لك قدر ومقام = اسكنه ياروح روحي تحيي عروق(ن)ضمايا
قلت احبك ايه احبك كثر ما ناح الحمام = والله انك في عيوني غير عن كل الصبايا
يكفي انك لا حضرتي فز لك قلبي وقام = ويكفي ان لك في خفوقي بيت وربوع وقرايا

سلامتكم



اخوكم حسين النجراني