غبيـــــّكـــ !!!!

[حسين العنزي]

نص كانا مختنقاً بين أوردتي وأراد أن يتنفس ..هنا...

قبله بخدشة وله من حمرة إعتابك=بدعوه تورّق سنا طياتها لعيني
أروح ويزلق نسم مدسوس لأهدابك=لتنهيده هزّت مطر هالشرقه بطيني
قبل لاأجرح حصى قلبي على بابك=حسيت بخنقة قدم إتقفل إيديني
وقفت وخصله هوى تحفحفني وجابك=صوص الجرس يلتغه شف الزهر بيني
أدخل وفم الموسيقا عنّب أصحابك=غنوّه بضحكه وتطفيهم ورى حيني
مبروك عشرٍ نما في تسع تقرابك=باقة غمايم تجي ويدها فيني
ياحلوّك أطعم حيا يسمسم إثيابك=وأعذب من بسمه معي بمخبا خدينّي
لبعضك رفاهة غصن ومخيول يغتابك=عفواً / بكلك إنوثة ميّه تغريني
إنتي لشعر السما يابكره تزهابك=شمسٍ تحنيّ فجر ولفحهّا تيني
واعاتبك/ سكّرك بالوجه يرتابك=ولمحت إتحلي عيون بناس كتفيني
حضرت لقمري وفاي بنافذ إغيابك=ولجل قلق حفلتّك مايكترث ويني
ولجل حبيبٍ يطقّم زيفه لأحبابك=وأهداك دبله كذوبه بكرسي إسنيني
أدري تخنجرأفا والطرحه أسبابك=وطيحة موقصدي زجاجٍ دمه شيييّني
لنّي غبيّك وأعزب هفوه بإعجابك=وإنك ياحبلى الفرح مأتم يعزيني
خليني أسري هبوبٍ ليّل أسرابك=لنجمة إفراقي وحلم إشروقي تنسيني