السالفة,, ماهي ..على شان برجين!!

[بندرالرشيدي]

بسم الله الرحمن الرحيم.

السلام عليكم ورحمة الله وبركاته,,


أحبتي الكرام..هذه مشاعر..تترجم..واقع أمتنا.ومايحدث لها..من نكبات..متتالية..

بسبب.عدم ترابطها,وتمزق صفوفها,مما جعل العدو أشد فتكا,في جوانبها,ساعيا

لما يريد تحقيقة..أسأل الله.أن يرد كيدهم في نحورهم,وينصرنا على القوم الظالمين.


كلي أمل بأن ترقى هذه القصيدة..ألى سمو ذائقتكم..

لعلي ألقي من خلالها...بعض همٍ أثقل عاتقي..

السالفة ماهي على شان برجين!!

السالفة ماهي على شان برجين!!=ولاهي من اجل أفعال من كفرونا
ابراجهم كم؟عوضوها ملايين=واللي بغوا شالوه ماشاورونا
السالفة حربٍ على النسـل والدين=يالعن ابوهم لو بيدهم فنونا
الغرب يدمرنا من الحين للحين =صرنا تحت نيرانهم حاصرونا
صارت لهم ساحات يعرب ميادين= وان استمر اقتالهم شردونا
شاهد جنيف وشوف لندن وبرلين=يعمرون ديارهم ودمرونا
ثروا تهـــم،،جناتهم والبساتين =سابوا نعيم الارض واستوطنونا
دمر عواصمنا هجوم الشياطين= بأحدث عتاد اسلاحهم حاربونا
مادري نطالبهم برجعة فلسطين؟؟=والا أنهم في حالنا يتركونا
اطفالهم في مسرح السلم لاهين= واطفالنا في بيوتنا يقتلونا
أسر وقتل واعدام ناسٍ بريئين= لا عدامنا في اعلامنا بشرونا
من كثر مانسمع وما تشاهد العين= على نفاد ارواحنا عودونا
ان قدر الله وا جتمعنــا مـــسلمين =لويجمعون أحزابهم ماهزمونا
ياللي تقول تزين ماظنها تزين= لوهم يبون الخيرما قسمونا
السالفة حربٍ على النسل والدين= وان ماجمعنا شملنا ماجمعونا

خالص الحب والتقدير,,