مولودة الشاعر + صــ وتـــ

[خالد سلمان]

:avatar: قصيدة تتحدث عن كيفية خروج القصيدة من الشاعر ووصولها إلى قلوب الناس

[p5s][/p5s]
للإستماع

[p5s][/p5s]

الشعر ما هو سرد أبيات وحروف = الشعر نبضٍ داخل القلب والروح
تشعل فتيل القلب شحنات وظروف = وتفجر الإحساس ويطيح مطروح
فوق الورق من بعد ما صار مكشوف = يستأذن الريشة وبتقول مسموح
ويصب حرف الحبر شلال بكفوف = من سيل قلبٍ صار بالحيل مفضوح
يستلهم الفكرة من البال والجوف = ينثر أحاسيسه بالأوراق بوضوح
أحيان يتبع حسرته دمع مذروف = لكن يواسي دمعته طرق ممنوح
في جو هادي يكتب حروف وصفوف = في داخل الصفحات حتى على اللوح
يبدا يلحنها على الآه والأوف = فيها شجن وإحساس من صادق البوح
وإلا على بحرٍ على البال مألوف = مضمونه الفصحة بمنطوق مفتوح
ويلوّن الأبيات بالوردي والموف = يختمها بأحلى كلمتينٍ مع شروح
يهديها سارة وإلا أمّون أو نوف = أو يعتبرها لأجل رغبات وطموح
ما ينتظر منّة ملايين وألوف = يهدي أحاسيسه بلا أي مصلوح
من بعد ما ينهي يراجعها ويشوف = كل البشر يخطي و لو كان مملوح
تولد قصيدة كنها ورد مقطوف = ويضمها صدرٍ بالأحضان مفتوح
وتصير بأنواعٍ وأشكال و وصوف = يا تغمرك فرحة او اتزيدك جروح
يمكن تكون الشوق في لحظة الخوف = والا تكون الهم والحزن والنوح
وأوقات يمكن تهدي القلب معروف = وتكون فرحة شامخة تعتلي صروح
تمشي القصيدة بس ما تعرف وقوف = تطرق قلوب الناس تحضنها وتروح
وتجمّع الأحباب وتزيد العزوف = والعطر فيها ينتشر بالهوا يفوح
وتجدد الآمال وتنور كهوف = وتهد ناس وناس ترفعها بسطوح
وأحيان تشعل حرب وتسل بسيوف = هذا القصيد اللي بذا الوقت منصوح

[bdr][/bdr]
لتحميل القصيدة
:rose: مولودة الشاعر :rose:

:s13: :s13: :s13: :s13:
:s13: :s13: :s13:
:s13: :s13:
:s13: