يبقى عزيزك يالزرق الدمع باكيك

[عبدالله بن فهد]

يالله ياسامع دعـا مـن يناجيـك=يافارج الضيقات منجـي دخيلـك
يسألك عبدٍ ميقـنٍ بالرجـا فيـك=أنت الامل والملتجـى والتجيلـك
ونت الكريم الي اكثارٍ حسانيـك=نبض العـروق ودمهـا ينتميلـك
يالادمي لو شفت حيـك وغاليـك=الي تعدى صوب جارك يجيلـك
يومٍ فرح وتعيش بذكار ماضيـك=ويوماً من الدنيا سريـع رحيلـك
يبقى عزيزك بالزرق الدمع باكيك=وقبله بكيت من الحبايب خليلـك
سكناك بيت دون باب وشبابيـك=اقرب قريب لك البيتـك يشيلـك
عايش وحيدن لاحبيبٍ يواسيـك=الى دعـاك وسجدتـك وتهليلـك
سنة حياة وماوطى الناس واطيك=ماقـدره رب الخلائـق يجيلـك
اصلح معا مجري الهايب مساعيك=من شان تفرح يوم تلقى حصيلك

__________________

[قديم الشوق]

شاعرنا القدير / عبدالله بن فهد

صح لسانك وأنا أخوك

قصيدة شامخة من شاعر مبدع ومتمكن


شكرا ً لك من الأعماق على هذه القصيدة الوارفة

ولا تحرمنا من جديدك المميز


وتقبل فااائق تقديري واحترامي

[عبدالله بن فهد]

قديم الشوق اشكرك على مرورك وتعليقك دائماً الله يحفظك وتقبل تحيتي وشكراً

[لون الثلج]

:


عبدالله بن فهد

أستمتعت بقرأتها

صح لسانك ولاتحرمنا ابدااعك..

إح ــترامي لك
}

[عبدالله بن فهد]

لون الثلج لاهنت على المرور والكريم والتعليق الطيب

[شـجن]

صح لسانك وعلا شانك عبدالله


أبيات جميلة وحضور من نور


ايها الراقي برقى حرفك البديع


ابيات في منتى الروعه والجمال


سلمت وسلمت يمينك


تقبل مروري البسيط


لك عاطر التحايا وفائق الاحترام والتقدير

[عبدالله بن فهد]

المشاركة الأصلية كتبت بواسطة نجــــــــــديه

صح لسانك وعلا شانك عبدالله
أبيات جميلة وحضور من نور
ايها الراقي برقى حرفك البديع
ابيات في منتى الروعه والجمال
سلمت وسلمت يمينك
تقبل مروري البسيط
لك عاطر التحايا وفائق الاحترام والتقدير

شرفني مرورك وتعليقك الطيب الله يحفضك لقد غمرتيني يالتعليق الرائع