الأمير الشاعر / محمد بن أحمد السديري (رحمه الله تعالى)

[قديم الشوق]

المشاركة الأصلية كتبت بواسطة عبدالله النعيمي

يقول: من شرّف على روس الاقذال = راس الطويل اللي نبا من رجومه

رجمٍ براسه للمشاكيل مدهال= ميقاع سمح الريش من عقب حومه

فكّرت بالدنيا.. بالأقفا والأقبال=تضحك وتبكي بالغاتٍ رسومه

وقامت همومي بالصناديق تجتال=وزفرات بانت بالضماير رقومه

حوّلت منه وخاطري للوفا.. مال=يم العزيز اللي فؤداي يرومه

لابو بدر.. ساس الوفا مرخص المال=اللي من المعروف فصّل هدومه

وافي ويلبس له من الطيب سربال=درعٍ عريضٍ ضافياتٍ كمومه

خطّه لفا.. في صفحة الطرس سيال=قافٍ بصفحة باغةٍ ومختومه

فتحت له بالقلب باب له أقفال=وفكري صحا.. لابو بدر.. عقب نومه

أهلاً عدد ما كان نازل ورحال=من سوق نجرانٍ إلى سوق دومه

واعداد ما يسكب من الغيث همال=وبلٍ على وبلٍ تسابع اهشومه

عقبه زهور الورد بالعشب تختال=فيه أم سالم كل رجمٍ تهومه

تعلب طرب بألحانها تشده البال=ما هيب من خضر الرياض محرومه

ما سايلت من قول شامت وعذال=وما همها نوّاب وفد الحكومة

راع الوفا.. له داخل القلب منزال=لو دونه ديار وساعٍ خرومه

يابو بدر.. تبدّلت كل الأحوال=حتى أشقر الجنحان بدّل ببومه

وجميع شيمات العرب صارت أطلال=مثل الهدام اللي وساع ثلومه

دنياً يشيّب هولها روس الأطفال=ولا عرفنا بدرها من نجومه

منها الجديد إمبدلينه بالأسمال=واوباش وأنذالٍ ترفّع خشومه

أقفت سنين الخير عنّا بالأعجال=وشفنا سنين السو شومه ولومه

دنياً ضحايا قدرها كل ريبال=نطّاح قالاتٍ يجي بالزهومه

دنياً بغفلتها ركض كل ختال=وكم خيّرٍ بالغدر توكل لحومه

الخبث له بايع وشاري ونقال=والطيّب إرخص مالقى من يسومه

وديك الدجاج معلّق فيه خلخال=وحطوا مفاتيح الذهب في إبهومه

القصيدة رد فيها السديري على قصيدة ل محمد بن راشد بن مهنا النعيمي حين قال:

لاحت سهوم النور بالفجر وانجال=جنح الظلام وفاختنّى نجومه
وقلبي يتّله من عراويه تلال=وأنا بقلبي داريٍ ويش قومه
جا له من الهاجوس ما خبّث البال=والقلب يا الأجواد عرقٍ وثومه
قلبٍ عطوف يمّ الأجواد ميّال=ومن كان مثلي فالعرب ما تلومه
لجواد عزّ الجار وزمول الاحمال=مثل السّهل فيه الدّمث والنعومه
لجواد وافين العهد قول وأعمال=طبايعٍ ما هيب درسٍ اعلومه
رجالهم عند الملازيم رجال=من هيّن الموقف تردّه سلومه
ورجالهم لو هو فقيرٍ من المال=يفدي بدمّه دون ذمّه ولومه
هات القلم واكتب تحيّات وأمثال=ومعانيٍ باقصى الضّمير محكومه
ما هاوت الهيّن ولا هافي الخال=ولا هيب للي يوهمنّه حلومه
وحاشا ولا يومٍ لها جات لسوال=عليا ومن طاري الزّهيد محشومه
تاقت لشغموم ورا بعد الاميال=والبعد ما يثني الفتى من لزومه
قمّ يا نديبي دن ما يطوى اللال= الى اشهب دون الحبايب ردومه
مكينة نوع من الجوهر العال=صلب الحديد اللي نضافٍ جرومه
ليكن حفيف بلوفها حثّ شلال=لاهيب ما تسمع ولاب مكتوبه
لونه زهي زلٍّ على سيته اشكال=روعه ومن غالي الحرير مخدومه
اسمر حمر كانه تحت في وظلال=وبالشمس لونا يوهمنّك سهومه
هبّاع قطّاع الريادي والاسهال=كدلك وتوه من امريكه قدومه
من جوبه الدمام يا بدر لامال=الفي والصحراء تلاشي سمومه
سربه بتوفيق الولي عالم الحال=العالي اللي ما نعلم مكتومه
يمّ الرياض العاصمة مهد الابطال=جيل على علياه تشهد خصومه
لاحل خلف قطيهن هوش وقتال=وشوق الفتية وهقنة وهمومه
اخوان نوره عند تاليهن ثقال=لاخوّع الجيّد وخارت عزومه
ومن الرياض اسرح عسى الرشد لك فال=سنّد وقيعان الخفية يمومه
ومنصاك بيتٍ للمراكيب مدهال=بيت الثّنا والمجد من فجر يومه
بيت الحسب بيت النسب بيت من طال=صيته ورا نجدٍ وجتنا علومه
بيت السديري بيت كسّاب الانفال=زبن اللهيف وريف بدّه وقومه
المحتسي للمرجله كار ورجال=لاجات من يمّ الشحيح مهزومه
محمدٍ ذرب النبا ذرب الافعال=رمز الزمان اللي تنحوا قرومه
عصر مضى زلت سنينه ولا زالال= العصر فات وباقياتٍ رسومه
سلم عليه اعداد ما هل هطال=وبلٍ من المنشى ترادف غيومه
غط الوطى ديمه ومن وابله سال=سيل يغبى ما نبي من حزومه
وقل له لفاني منه طارش ومرسال=وهدية بأعلى الوقار مختومه
هدية عندي لها كار واجلال=هدية في ذا السنين معدومه
سيرة وفا ما سايرت عصر الانذال=وان جات سذاج العقول مهضومه
وهاذي بعصر فات يالقرم ومحال=يرجع لنا الفايت وننسى همومه
وافي وشيمه يوم لجواد عقال=يوم النسب ما فيه عيبٍ يشومه
يوم النسب للي يعوجون للتال=لاجا نهار فيه للموت حومه
والا لمن ينزل على بيته انزال=بيتٍ من الميره وساع وضومه
ما هيب سلعة واحد عند دلال=هذا يبرق به وهذا يسومه
والحق للي يفرق السوم بريال=سلعة حراج ما وراها غنومه

شاعرنا / عبدالله النعيمي

أشكرك على المرور والإضافة

وبودي أن أعرف هل الشاعر / محمد بن راشد النعيمي على قيد الحياة

وتقبل فااائق تقديري واحترامي

[عبدالله النعيمي]

المشاركة الأصلية كتبت بواسطة قديم الشوق

شاعرنا / عبدالله النعيمي

أشكرك على المرور والإضافة

وبودي أن أعرف هل الشاعر / محمد بن راشد النعيمي على قيد الحياة

وتقبل فااائق تقديري واحترامي

جدي الشاعر محمد بن راشد بن مهنا النعيمي توفي في مدينة الدمام اواخر 1995 رحمة الله عليه ( 1886-1995 ميلادية) واحتفظ بالعديد من اشعاره.

[محمد الضرير]

أخي قديم الشوق


ســلمت يمينــك على الموضوع الجــزل لشاعر جزل

رحمه الله تعالى ، سـير عطـرة مهمـا قلنــا عن هـذا

الرجـل لن نوفيــه حقـه ، مــات رحمـه الله وبقيت له

الأفعــال الحميــدة التي تخلّــد ذكراه تغمــده اللـــه

بواسع رحمتـه ، ولك كل الشكر والإمتنان 0



محمد الضرير

[قديم الشوق]

المشاركة الأصلية كتبت بواسطة محمد الضرير

أخي قديم الشوق


ســلمت يمينــك على الموضوع الجــزل لشاعر جزل

رحمه الله تعالى ، سـير عطـرة مهمـا قلنــا عن هـذا

الرجـل لن نوفيــه حقـه ، مــات رحمـه الله وبقيت له

الأفعــال الحميــدة التي تخلّــد ذكراه تغمــده اللـــه

بواسع رحمتـه ، ولك كل الشكر والإمتنان 0



محمد الضرير

أبومبارك

صبحك الله بالخير والمسرات

وألف شكر على مرورك العاطر الكريم

وتقبل فاااائق تقديري واحترامي

[بروق السحايب]

لو ما كان بالدواسر شاعر سوى السديري لكفاهم

مدرسة متكاملة

وأسطورة خالدة على مر التاريخ

رحم الله الشاعر السديري

وبارك الله بك قديم الشوق على هذا الطرح المميز

[قديم الشوق]

المشاركة الأصلية كتبت بواسطة سراب

لو ما كان بالدواسر شاعر سوى السديري لكفاهم

مدرسة متكاملة

وأسطورة خالدة على مر التاريخ

رحم الله الشاعر السديري

وبارك الله بك قديم الشوق على هذا الطرح المميز

هلا والله بـ سراب

الله يحييك

ويحيي هالمرور المحمل برائحة الورد في ليلة ماطرة شاتية :)

ألف شكر من الأعماق على مشاعرك

وتقبلي فااائق تقديري واحترا مي

[سمو الذكريات]

الله يعااافيك ع الطرح الرااائع


ورحم الله الشاعر محمد السديري واسكنه وايانا بالفردوس الاعلى

اللهم امين

دمت

[قديم الشوق]

المشاركة الأصلية كتبت بواسطة سمو الذكريات

الله يعااافيك ع الطرح الرااائع


ورحم الله الشاعر محمد السديري واسكنه وايانا بالفردوس الاعلى

اللهم امين

دمت

سمو الذكريات

أهلا ً بك ِ وبمرورك ِ الكريم

وأشكرك ِ على مشاعرك ِ الجميلة

ورحم الله شاعر الجيل الأمير / محمد بن أحمد السديري

وتقبلي فائق تقديري واحترامي

[راعي محل]

رحم الله الشاعر العلم / محمد بن أحمد السديري

والشكر لك أخي قديم الشوق على اتحافنا بهذه السيرة العطرة

لهذا الشاعر الفحل

ولك مني كل الود

[قديم الشوق]

المشاركة الأصلية كتبت بواسطة راعي محل

رحم الله الشاعر العلم / محمد بن أحمد السديري

والشكر لك أخي قديم الشوق على اتحافنا بهذه السيرة العطرة

لهذا الشاعر الفحل

ولك مني كل الود

أهلا ً بك أخي الكريم / راعي محل

وأشكرك على مرورك الكريم ومشاعرك الصادقة

وتقبل فااائق تقديري واحترامي