قصيدة شعر مذهله
مذهله
مذهله ماهي بس قصة حسن
رغم ان الحسن فيها بحد ذاته .. مشكلة
مُذهلة
كل شي فيها طبيعي .. ومو طبيعي
طيبها .. قسوة جفاها
ضحكها .. هيبة بكاها
روحها .. حدة ذكاها
تملأك بالأسئلة
مذهله
مُذهلة تملأك بالأسئلة
هي ممكنة والا محال
هي أمر واقع .. أو خيال
هو سهلها صعب المنال
أو صعبها تستسهله
مُذهلة
تملأك بالأسئلة
ليه كل معجز مر هذا الكون .. فيها له صلة ؟
ليه كل شي فيها تظن انك تعرفه .. تجهله ؟
ليه كل (لا معقول) فيها ورغم هذا تعقله ؟
طيبها .. قسوة جفاها
ضحكها .. هيبة بكاها
روحها .. حدة ذكاها
تملأك بالأسئلة
مُذهلة
يا بدايات المحبة
يا نهايات الوله
كيف قلبي ما احبه ؟
وانتي قلبك صار له
يا أعذب من الأمنيات
يا عالم من الأغنيات
يا أجمل الشعر البديع
من آخره لين أوله
ما راودتك الاسئلة ؟
ليه عمري ما لقى لبرده دفى
الا دفاك
ليه قلبي ما بدقاته عزف لحد ٍ
سواك ِ
ليه أنا عيني تشوف وماتشوف
الا بهاك ِ
يا أجمل من الأخيلة
هذا جواب الأسئلة
كي تكوني من حنيني
وبس فيني .. ومو بدوني مُذهلة
اهداء للجميع منقول
أنت غير مسجل في منتديات منابع الأدبية . للتسجيل الرجاء إضغط هنـا
22-12-2011, 08:57 AM
قصيدة مذهلة
ذكريات 
العرض الشجري