حضور اول : O(×)( للصبر طاقه )(×)o

[سعد بن مسهوج]

كل عام وانتم بخير جميعا ..


كل الشكر للاخ (محمد الفرحان ) على هذه الدعوة..

ويشرفني الانضمام لهذه النخبة من الشعراء وان شاءالله اكون عند حسن الظن...

حسبت ان الطريق اللي بعدنـي عنـك يدنينـي=وحسبت ان القلوب اللي هوت بالحـب خفاقـه
وحسبت ان الزمن يعطي ولكن كيف يعطينـي=وحسبت ان الصبر يبقى وانا ادري للصبر طاقه
تجاهلت الحياة لجلك .. ولجـل انـك تحبينـي=وتعلمت السهر بـدري واعـد نجـوم براقـه
طويت ايامي الصلفة ونسيت همـوم تطرينـي=وتحمل قلبي جروحه وحبك تجـرح اشواقـه
تمنيت الغـلا ساعـه وساعـه مـدة سنينـي=وتمنيت الهوا لحظة وتـذوب بلحظـة عناقـه
تمنيت الحنـان اللـي يثـور وتذرفـه عينـي=يرييح خافقـي فينـي وتنـام عيـون مشتاقـه
صبرت ولا لقيت الا الامانـي بينـك وبينـي=وبقايا احلام منثـورة تسطـر باقـي اوراقـه
تعبني هاجس الذكرى واظـن انـك نسيتينـي=عساها تكذب ظنونـي ونـار الظـن حراقـه
حبيبي كم بكت عيني على جرحـي تواسينـي=مالوم العين يـا قلبـي وحبـك يذبـح فراقـه
يهون البعد لـو طـول مـدام انـك تحبينـي=ويهون الجرح يا حبي ويهون الليـل وارهاقـه

اخوكم

سعد مسهوج العلاطي