ارحــــم::نبع اول+خاص لمنابع::

[حسين القحطاني]

السلام عليكم..

اتشرف بانضمامي لهذا الصرح الشامخ

وهذه مصافحه اولى اتمنى ان تنال اعجابكم(( خاصه لمنابع))

ارحم عزيزٍ ذل لعيونك السود=لحقه من الايام مالحق صدام
من اول يامر على شعب وجنود=واليوم محكومٍ لعباد الاصنام
ياصاحبي والنقص من سبّة الزود=ياللي تطالع خلف وتسير قدام
الله خلق فصدورنا ازهار وورود=تنبت على جوَ الهوى كل ما غام
امطر غلا وامطر وصل ماله حدود=علّ الظماير صابها عقبك هيام
كم لك عن ايام العمر وانت مفقود ؟=كم لي وانا بغيابك منكّس اعلام؟؟
متلبسٍ طيفك بروحي ومعقود=يعرض علي في صحو فكري والاحلام
يذكّر الافكار ويقودها قود=لاجمل بشر ورّته للعين الايام
باقي شبيهك في البشر ماله اوجود=لا في ظبا صنعا ولا الحور في الشام
لوّك معرّض للنظر كان محسود=لكن شوفك صار من ضمن الاوهام
مكنون والمكنون ماهوب موجود=الاّ ورى قاع عليه البحر عام
ترى الامل موجود لوانك مفقود=ارجع ورجّع فرحتي ذيك الايام

[عوض الحربي]

الله الله الله ياااحسين




صح الله لساااااانك





تقبل من يخالص الود والتقدير

[نادر بن خلف العتيبي]

صح لسانك اخوي حسين وبيض الله وجهك



تقبل تحيات اخوك (نادر العتيبي)

[عبدالله العقيل]

الغالي حسين

صحححح لسانك


ومصافحه رائعه

[علي عبدالرحمن الأسمري]

الغالي /حسين القحطاني
الله عليك

صح لسانك بلاعدد
وتسلم يمناك

تحيااااتي

[فايز بن ماجد]

الغالي

حسين القحطاني

صح لسانك

وياهلا ولاغلا فيك

منورنا

لاخلا ولاعدم

حسين القحطانى

صح لسانك واحساسك

دمت لنا بنقاء وابداع





نغم

[حسين القحطاني]

عوض الحربي


صح بدنك


ومشكور على مرورك الجميل

[نواف السعدوني]

حســـين



حياك الله يالقرم

بين اخواانك الشعار


وياهلا ويامرحبا فيك

ويسلم راس من دلك علينا وانا اخوك



حضوور جيد


صح السانك وانا اخوك

تحيتي لك ولقلمك


السعدوني

[محمد الفرحان]

.

.


الشاعر الرائع

حسين القحطاني

.

.

اهلا وسهلا بك في منابع الشعر والأدب وكلنا سعاده

بتواجد هذا الاسم بيننا وعسى ان تجد لدينا مايكون

دافعا" لك لتقديم الجديد والمميز وكل ماهو معهود

منك ويكون سببا" في طيب وطول اقامتك بيننا .

وياهلا بك ومرحبا بين اهلك واخوانك ومكانك العيون

والقلوب قبل المنتدى . .

.

.

حضور أول للترحيب وسيكون لي عودة الى هذه الرائعة

ان شاء الله . . .

.

.

تقبل فائق تقديري واحترامي