(( لاتصدقني ))

[حمد الأسمري]

جديدي أطرحه بين أيديكم مع إهداء خاص لكل من يعرف قلب حمد وقالبه

لا تصدقني تراني مَـ احتمل فرقـاك ساعـة=والكلام اللي حكيته كـان بأسبـاب الخصـام
أدري أني قلت راحل وأدري اشهرت القطاعة=هو كذا دايم زعلنا يوصـل حـدود الغمـام
بس تدري كنت خايف من زعلنـا واتساعـه!=كنت خايف لا تصدق كذبتي وتنسى الغـرام
الله ياهي من مصيبـة إلاّ قـِلْ والله فراغـه=كيف نبحث عن شقانا ونعشق دروب الظـلام
الهوى والشاهد الله في ضميري مو صناعـة=لا ولا هو يا حبيبي همس وأحضان وكـلام
الهوى والعشق عندي مثل سفـح ٍ وارتفاعـه=لازم أوصل للمعالـي فيـه لـو زاد المـلام
عشق سامي ما فتح للغيـر كفيـه وذراعـه=محتوي قلبـك وقلبي فـي تفاهـم وانسجـام
لا تشبهني بغيـري كـل واحـد واقتناعـه=أتحدى تثبـت انـي كنـت محـدود المـرام
كان ردي شي عادي والجفا مؤلـم سماعـه=قولتك انسى غرامي مـا أبـي منـك سـلام
عمر قلبي ماشكاك ولا شكى فيـك اندفاعـه=مقتنع باللي تسوي فينـي يـا عـذب اللثـام
عمرنا يمضي وخايف من ترديـه وضياعـه=والجفا لو طوّل أكثر قـول ياقلبـي السـلام
والحقيقة ماتحمّـل صـدّك وفرقـاك ساعـة=عاشق ومبلي ولكن ! رغـم هـذا باحتـرام

وسلامة قلوبكم

[مزون المحمد]

لا تصدقني تراني مَـاحتمل فرقـاك ساعـة
والكلام اللي حكيته كان بأسبـاب الخصـام

أدري أني قلت راحل وأدري اشهرت القطاعة
هو كذا دايم زعلنا يوصـل حـدود الغمـام



حمد الأسمري


حضور مبهج


وحرف عذب يشرفنا تواجده


دمت بخير

[فهد الماجدي]

الاسمري الغالي لاهنت على هالقصيده الطيب يالغالي


تسلم يمينك عليها والله


كل التحيه لك

[علي عبدالرحمن الأسمري]

ابن العم
اخوي حمد الاسمري

صح الله لسانك
ويسلم لي راسك ويمناك

تحيااااااااتي


اخوك

[فيصل العمري]

صح لسانك ولاهنت

رائع واكثر من رائع

تحياتي لك

[حمد الأسمري]

الفاضلة مزون المحمد

تسلمين على المرور الجميل

دمتي بخير

[حمد الأسمري]

ولا تهون يالماجدي

وحياك الله يالقرم

ألف تحية

[حمد الأسمري]

الغالي ولد العم

علي آل دعياء الأسمري

حياك الله وصح بدنك ملايين

حضورك وسام شرف وفخر

تحيتي وودي

[حمد الأسمري]

أخوي فيصل العمري

حضورك هو الأروع بالتأكيد

خالص شكري وتقديري

تحيتي لك

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع