مع اللي راح سوريه

[راعي ولع]

هذه أولى مشاركاتي لديكم أرجو ان ترتقي لذائقتكم

الا واقلبي اللـي كـل مـا هبـت شماليـه=تقفاه الغـرام وفـز رحـال مـع أشواقـه
يالولاهن يردنـه ضلوعـي مـن عزاويـه=شلع مع باقي الدعـوه علاقاتـي ومعلاقـه
بقايا شوق تاخذني مـع اللـي راح سوريـه=فديتـه يـوم ودعنـي ويرمقنـي بارماقـه
عيون(ن)نجل ذباحه رموش(ن) كنهـا فيـه=يبي ينطق ولا تقوي سوى بالنطـق أحداقـه
كشف لي سره الخافي بنظرات(ن) غناويـه=يشوف اللي بأعماقي واشوف اللي بأعماقـه
يذوب الحكي فوق الشفة اللي بالشهـد حيـه=وتوقف دمعة الفرقا على الأهـداب حراقـه
ينازعني غلاه وصبري اللـي محتمـي فيـه=أبيه يعيش ايامـه ولا أقـوي علـى فراقـه
صغير(ن) طلته صبح(ن) وريحة ورد جوريه=بدايات الأمل توقف نهايات(ن) على اشراقـه
كأنـي يـوم اودعهـا مـودع نـور عينيـه=أواني راعي الأسهم خسر ويلملـم أوراقـه
يعزيني بـان الشـوق يجـود بطيفهـا ليـه=وان الوصل لو يبخل فـلا مليتـه أعشاقـه

[قديم الشوق]

شاعرنا الكريم / راعي ولع

صح لسانك وانا اخوك

قصيدة شامخة من شاعر مبدع ومتمكن

شكرا ً لك من الأعماق

وفي انتظار جديدك الماتع

وتقبل فاائق تقديري واحترامي

[عسافه]

الشاعر / راعي ولع


صح لسانك قصيده رائعه


وتسلم يمنك


ولاهنت


دمت بود ودام حضورك


تقبل مروري المتواضع

[لون الثلج]

:


راعي ولع


ماشاءالله عليك قصيده رااائعه


}

[راعي ولع]

أخوي قديم الشوق
آسف على تأخري الخارج عن الأرادة
وصح بدنك وشهادة أعتبرها وسام وشهادة أعتز بها
وتقبل تحياتي

[راعي ولع]

عسافه

حياك الله يشرفني مرورك العطر ,,

لاهنتي ,, أشكر مرورك

تقبلي تحياتي

[راعي ولع]

لون الثلج
مرورك كما لونك
أشكر مرور ومتابعتك,,
تقبلي تحياتي

[عناوين الدمـوع]

صح لسانك واعتلا شانك

اخوي راعي ولع... قصيده رائعه بكل ما تعنيه الكلمه

شكري وتقديري لك..