أنا والبــوبي و مشــاشـــة..!!

[لـــــــوزة]

الســــلام الله عليكم ورحمة الله وبركــــاته...

كيـــف الحـــال؟!!

اليوم يا أطفــال عندي لكم سالفــــة يعني من حكايات ألف ليلة و ليلة...

<< === عاشت دور الحكاواتي

المهم يا جماعة الخير صـــلوا على النبي..

عليه الصلاة والســـلام..

السالفـــة وما فيها .. عندي ولد أخت صغنون توه عمره ثلاث سنوات..

يازينـــــــــــــــــــووو يا ناســــــــــــــــــــــووو <<===خروج عن النص

المهم...

الولد هذا أنا ما أسميه باسمه...
أنا أسميه بأحب القطـع عند قلبه الي هي طبعا المشـــاشة على حد كلامه..

وهي ما يسمى عند الناس الطبيعين "المصاصـــه"...

الولد هذا سبحان الله من يوم ما انولــد وهو عنده ميول للحياة الطبيعية..

اربع وعشرين ساعه طــرزان..بالحـــوش يفتـــر..

ما يدخل البيت إلا بخنـــاق..

و عندنا كــلب جايبه أخوي الله يهديه..كلب صيـــد..متوحـــش عنيــف..

لكن الأخ مشــاشة داق معاه صحبـــه..

و يسميه بـــوبي...

اذا كان يلعب وقام بوبي ينــابح يصير يراضيــه..

يرمي المصــاصه على عينه ويقــــول..

" بوبـــــــــي..مشـــاشه"

يعـــزم عليه الأخ..

على فكـــره إلى الأن ما دخلت بالسالفــــة..

<<=اخلصي يا كثر قرقك..

نخش بالموضوع...

في يوم حبيت أكون الخالة المثـــالية و أخذته معي و رحنا عالم الحيـــوان..بحكم انه يحب الحيوانات..

دخلنا وكان طبعـــا طرزان ما بين الأروقة يتنقـــل وأنا مراكـــض وراه...

و بينمـــا نحن نسرح ونمــرح..

دخلوا ثلاث بنــــات..شكلهم والله أعلم بنـــات نعمـــة...

يعني بالعربي كـــــــــــاش..

كل وحدة منهم شايلة كلب صغنـــون على يدها..

ثنتين منهم..كانوا صغار يعني بعمر المـــدرسة و هم من نوعيــة البنات الي مدري كيف..

البنات يمكن يفهمون قصـدي...

هم البنات الي يكون لون شعرها و بشــرتها واحد..

لون بـــــــــــــرونزي..

أما الثالثــــة كانت ما شاء الله تبــارك الله مثل هيا الشعيبي...دبدوبة و شكلها أكبر بالســـن..

ماسكـــة بيدها كلب تشيواوا صغنـــون..ملبستــه جزمة كوتش..و سلسة كوتش..

يعني تـــــــــــــرتيب...كشخــه..

داخلين البنات يتمخطـــرون و الأخ مشـــاشة مدهـــر بالأسيـــاب..

المهم انتبه لهم و وقف وقفـــة استطـــلاع...

و سبحــان الله كانت عينه على كلب البنت الثالثة الدبدوبة..

وهي الله يهديها في هذه اللحظـة قـــررت تنــزله على الأرض و سحبـــت الســلسلة..

كانت بتصــلح طرحتهـــا...

طبعـــا مشاشـــه جاته على الطبــطاب..

ما صدق انه تركـــته...

ركض بدون مقــدمات وأنا طبعـــا وراه..

لكن ما شاء الله عليه شيطـــون وحركتــه سريعـــة..

طبعـــا ما تخيلت ولا جــزء من الثانية وش كــان ناوي يســـوي,..

تفاجئــــت إنه قـــــــرب من الكلب..الصغنـــون...

وبكل حـــرفنه رفـــع رجـــله وشـــاته..

طبعـــاً الكلب صغنـــون طـــار وخبــط بالقــزاز حق المحـــل....

البنت الدبدوبة انهــــــارت حطت يدها على راسها,,
وصارت تصــارخ فيني ليييييييييييييييييييييه...

لييييييييييييييييييه يشــــوته..

ومشـــاشة ماله دخل بالسالفـــة منفعـــل و يقـــول " جـــــــــــــــوووووووووول"

كان قمـــة بالإحـــراج..حاولت أعتـــذر بس أتوقع كان شوي ويغمـــى عليهـــا من الانفعال..

ما قدرت أبلغ لها أسفي...

سحبت مشـــاشة و رجعتـــه البيت هذا حـــده بوبي..

إذا كان بوبي الي يخــافون منه العـــالم..

يمون عليه و مطيـــح قيمته يصك عينه بالمشــاشة..

كيف الشيواوا الصغنون...

شكــله راح يكون له تاريخ أسود مع الكلاب....

أتمنى تكون السالفـــة ناسبتــكم..

وبليــز كل من قرأ...لا تبلغــوا عنه حقوق الحيــــوان..

دمتم بكل الخيـــر...

تحيتي للجميــــــــــــع...