صينية البطاطس المبشور لاتفوتكم

[عبير الشرقية]

••المقادير••

بطاطس مسلوق

بصله وجزره وبقدونس وكزبره وفليفله
ودجاج مسلوق ومفتت

2 قشطه و4 ملاعق جبن سائل
•• الطريقه ••
نسلق البطاطس مع الملح والبهارات ومكعب ماجي
واذا نسلق البطاطاس صفيه من الماي وتركيهم ع جنب يبردون
..
احمسي البصله لين تصير ذهبيه واضيفي الفليفله والجزر والبقدونس والكزبره
وحطي الدجاج المفتت واضيفي البهارت والملح.
..
اخلطي القشطه بالجبن وتركيه على جنب .
..
ونبدء نحط في الصينيه ملقعتين او ثلاث من القشطه المخفوقه بالجبن.
ونأخد البطاطس بعدد مايبرد طبعا ونبشره بهالشكل.


وبعدين نحط عصاج الدجاج عليه

وتضيفي فوق الدجاج.. ملعقتين كبار من القشطه المخفوقه...
وعقب تردين تبشرين البطاطس...



وفي الأخير راح نضع كل القشطه المخفوقه وترشيها بالجبن المبشور

ندخلها الفرن من تحت ربع ساعه
وتحمرينها من فوق



•• اعجبتني وحبيت انقلها لكم وبالعافيه عليكم

[راعي محل]

ماشاء الله

رائعه ولذيذه

عاد أنا اروووح وطي مع البطاطس

مشكوره ياعبير الشرقيه

الله يجزاك خير على هالطبق المميز

وتقبلي تحياتي

[العف الخجول]

[صـدى الذكرى]

مشكورا عبير

شكلها يشهي مره مره مره

تسلمين على المقدير والصور ي الغاليه

ويعطيك الف عافيه ي الغلا

[بروق الشمال]

اكلة رائعة جدا
تسلمين اختي
وتقبلين مروري العابر

[مراجن]

عبير الشرقية
يعطيك العافية عزيزتي عالطبخة الذيذة
بإنتظار جديدك المميز
لك ودي وأمتناني

[قديم الشوق]

عاد البطاطا هذي لعبتي :)

عبير الشرقية

صباحك جوري

واشكرك على هذا الطبق الشهي واللذيذ

الله يعطيك ألف عافية

وتقبلي فائق تقديري واحترامي

[عسافه]

عبير الشرقية

يسلمووووو على الطرح الشهي وإن شاء الله رراح اسويها

دمتي مميزه

[سحابة عطر]

شكلها لذيذه ياعبوره
جاري تجربتها
وانا بعد عندي طريقه ثانيه قريب بحطها لكم
يعطيك العافيه ياعسل
لك ودي

[عبير الشرقية]

اسعدني حضوركم الغالي جميعاً

يلا جربوها وصحتين وهنا على قلوبكم