بسم الله
تكفـا .. ترا تكفـا تهـزّ الرجاجيل=لولا صروف الوقت ما قلت تكفـا
هذا البيت الذي يتردد كثيراً في أروقة الساحات الشعبية
وبين الشعراء بشكلٍ عام .. والمتذوقيــن خصوصـاً
إختلف الكثيرون حول .. من هوَ كاتبـه؟
وهل هوَ بيتٌ يتيـم .. أم هوَ بيت من قصيـدة؟
وبعد مجهود متواضع بالبحث والسؤال .. كانت أكثر الدلائل تقول
أن هذا البيت من ضمن قصيدة للشاعر/ محمد الدحيمي من شعراء منطقة بيشـه
وهيَ بين أيديكـم
اما لطمنا العيل والا الطم العيـل=مادام شب النار منـدوب الاطفـا
من ذاق حر القايله يعشق الليـل=ومن شب ضوه ليلة البرد يدفـا
امسيت في جيلٍ ولاهوب ذالجيل=واصبحت والا ديرتي شبه منفـا
واللي حما بيته بطيـرن ابابيـل=ماجيت ادور كل من صـد وقفـا
ولاجيت ابشحذ يانما دلّه وهيـل=جيتك وجرح الظلم غاديه يشفـا
جيتك بكلمه كنها صعقة الويـل=ان قلت تكفـا لاتهـاون بتكفـا
.=.
تكفا .. تراها كلمـةٍ تقطـم الحيـل=لابالله الا تنسـف الحيـل نسفـا
تكفا .. ترا تكفا لها هـدرة السيـل=في صدر حرٍ ينتف الطيب نتفـا
تكفا .. ترا تكفا لها تسّرج الخيـل=ان كان لك في مجمع الخيل عسفا
تكفا .. تراني من قـرومٍ مشاكيـل=حماية الساقـه بسيـفٍ وشلفـا
تكفا .. وتكفـا ماتسـاق لمهابيـل=تكفا تخلّي القـرم لاشٍ وهطفـا
.=.
تكفا .. ترا تكفـا تهـزّ الرجاجيـل=لولا صروف الوقت ماقلت .. تكفـا
احترامي
أنت غير مسجل في منتديات منابع الأدبية . للتسجيل الرجاء إضغط هنـا
11-12-2006, 05:34 PM
تكفــــا .. ترا تكفــــــا .............. !
بسـام بن عبدالعزيـز 
العرض العادي
