الهم لولاك يالوسواس= ماللامل عين مسوده

[حسين النجراني]

السلام عليكم ورحمة الله وبركاته

مشرفي ومشرفات واعضاء منتديات منابع الادبية

في البداية اود ان اشكر من كان له الفضل في وجودي بينكم في هذا الصرح الادبي الشامخ

متمنيا ان اكون عند حسن ظن الجميع

وهذه المصافحه الاولى وامل ان تحوز على رضاكم واستحسانكم

الهم لولاك يالوسواس= ماللامل عين مسوده
والزير لولاك ياجساس= ما عاش باعصاب منهده
ماحطم العمر غير الياس= ومصارع الضيق والشده
يامشغل الليل بالهوجاس= ليل الشتا ماشكى برده
خليتني للسهر نبراس= وبيحت قلبي على سده
هيظتني والقلوب احساس= وانا اشكي الحب من مده
ولي قلب يخفق بدون قياس= عجزت اداريه واصده
على وليف(ن)عديم اجناس= شف حبة الخال في خده
سود الهدب والعيون نعاس= والليل ضافي على قده
غصن(ن)تمايل به النسناس= فيه الترف واصل(ن)حده
العين من نظرته تحتاس= وليا حكى ماحلى رده
وليا حضر شمعة الجلاس= طاب الفضا من ندى ورده
الناعم المترف المياس= يعجبك مزحه مع جده
بحره غزير(ن)على الغطاس= جزره يعلمك عن مده
جرعني الحب كاس وكاس= واسقاني الشوق من يده
اغليه دون البشر والناس= اي والله اغليه واوده
من هامته لين حد الساس= مااحد(ن)شبيهه ولا نده

ولكم لك الحب والتقدير

اخوكم حسين النجراني