دخيل الضحكه

[إنكسارات النخيل]

يسعد مساكم بالورد والكادي

متواضعتي لكم والتي شرفتني الغاليه/شيخه الجابري

بنشرها هذا الاسبوع بصفحة عذب المعاني بزهرة الخليج

وكلي أمل أن أصل لذائقتكم الراقيه.





.......دخيل الضحكه..........

دخيل الضحكه اللي كم ادورها وانا مضيوم = دخيل الهمسه اللي تنعش الخافق وتحييني
دخيل الكلمه اللي كل ما اسمعها تضيع علوم =وأصير بعالمٍ ثاني أناجيك وتناجيني
دخيل الشوق لاهز الخفوق المغرم المحروم= وتساقط بوحه المكنون حتى انه يبكيني
دخيل الريح وانفاس الربيع وعشقك المفهوم = دخيل العشره وكل الغلا ما بينك وبيني
دخيل البسمه اللي من حلاها تشفي المهموم= دخيلك لاخذاك الشوق تكفا لا تجافيني
غلاك اللي تمكن بي واصبح بالحشا مرسوم= سكن نبض الخفوق وزاحم الدم بشراييني
تباهى ياغلااااي وعشقي وخل الغلااا مكتوم= على روحي تراك تمون حتى لو تعنيني
تصحيني طيوفك كل مايطري علي النوم= انا لامرني طيفك يطير النوم من عيني
تعال انزل على حدب الضلوع ومنزلك معصوم = عن الواشين يا كل الغلاا من قلبي لعيني
تريح والشعر في حضرتي دايم يجي منضوم = على ذكرى هوانا العذب اغنيك وتغنيني

.........إنكسارات النخيل.......

[هيثم اللحياني]

دخيل اللي سكن روحي و لا فارق فؤادي يوم=دخيل اللي إذا شفته تكحل بالغلا عيني
دخيل الثغر و المبسم دخيل اللولو المنظوم=دخيل اللي إذا يزعل أراضيه و يراضيني

إنكساراااااااااااااااااااااااااات


و الله


و الله


رااااااااااااااااااااااااائعة

إلى حد الثمالة


باقة ود



و احترام



هيثم

[فيصل العمري]

تسلم يمينك اللي خطت هالقصيده

صح لســـانك ولا هنتي

كل الود

[خطى نور]

دخيل البسمه اللي من حلاها تشفي المهمـوم
دخيلك لاخـذاك الشـوق تكفـا لا تجافينـي
صح لسانك
و
دخيلك
كشموخ النخل دايم تكونى

[محمد بن مشاري]

رائعه وانا اخوك





صح لسانك ولاهنتي





جزله كما عهدتك





لاتحرمينا الجديد




تحيتي

[هند]

رائعه

بحق كل حرف اجمل من اللي قبله

دمتي اميره لهالروعه غاليتي


هند\

[خالد ماطر]

انكسارات





















(( حرفك أنيق 000وبوحك ممتع 00))













لك صافي الود

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[إنكسارات النخيل]

هيثم الليحاني

دام نزفك الراقي

ومجاراتك جميله وتشرفت بها فعلا

واسعدتني متابعتك فلك جزيل الشكر

كل الود

[إنكسارات النخيل]

فيصل العمري

كل الشكر والامتنان سيدي

مرورك شرفني واسعدني

كل الود